Teokrase Sɔɔmɔ Skul lɛ Mlitĩi

Abaasusu sanebimɔi ni nyiɛ sɛɛ nɛɛ ahe yɛ Teokrase Sɔɔmɔ Skul nifeemɔ lɛ mli yɛ otsi ni jeɔ shishi kɛjɛ August 30, 2010 lɛ mli. Skul nɔkwɛlɔ lɛ kɛ minitii 20 baafee saji amlitĩi lɛ, ni ebaadamɔ nifeemɔi ni afee kɛjɛ July 5 kɛyashi August 30, 2010 otsi lɛ nɔ.

1. Salomo nɔjɔɔmɔ sɔlemɔ lɛ nɔ ni wɔɔjwɛŋ lɛ baaha hiɛsɔɔ ni wɔyɔɔ kɛha Yehowa sui lɛ aya hiɛ yɛ mɛɛ gbɛ nɔ? (1 Maŋ. 8:22-53) [w05 7/1 bf. 30 kk. 3; it-2-E bf. 989 kk. 4]

2. Mɛni hewɔ ni abaanyɛ akɛɛ yɛ tɔ̃mɔi babaoo ni David tɔ̃ lɛ fɛɛ sɛɛ akɛ ekɛ “tsui ni eye emuu” nyiɛ yɛ Yehowa hiɛ lɛ? (1 Maŋ. 9:4) [w97 5/1 bf. 5 kk. 1-2]

3. Mɛni hewɔ ni Sheba maŋnyɛ lɛ wie yɛ Solomon he akɛ: “Ajɔɔ otsuji lɛ ni damɔɔ ohiɛ daa nɛɛ ni amɛboɔ onilee lɛ toi lɛ!”? (1 Maŋ. 10:4-8) [w99 11/1 bf. 20 kk. 5-7]

4. Mɛni wɔbaanyɛ wɔkɛɛ kɛmu sane naa yɛ anɔkwale ni eji akɛ Yehowa fã akɛ afũ Abia yɛ gbɛ kpakpa nɔ lɛ he? (1 Maŋ. 14:13) [cl bf. 244 kk. 11]

5. Mɛni ji nɔ ni sa kadimɔ waa yɛ be ni Elia kɛyasara Ahab klɛŋklɛŋ kwraa lɛ he? (1 Maŋ. 17:1) [w08 4/1 bf. 19, akrabatsa]

6. Mɛni Elia tsɔɔ beni ewie akɛ “nyɛdidãa yɛ saji enyɔ teŋ” lɛ? (1 Maŋ. 18:21) [w08 1/1 bf. 19 kk. 3-4]

7. Taakɛ efee faŋŋ yɛ Elia sane lɛ mli lɛ, mɛɛ yiŋtoo hewɔ Yehowa kɛ ehewalɛ lɛ tsuɔ nii yɛ etsuji agbɛfaŋ lɛ? (1 Maŋ. 19:1-12) [cl bf. 42-43 kk. 15-16]

8. Mɛni hewɔ Nabot ekpɛlɛɛɛ akɛ ebaahɔɔ eweintrom lɛ eha Ahab lɛ, ni mɛni wɔbaanyɛ wɔkase kɛjɛ nɔ ni efee lɛ mli? (1 Maŋ. 21:3) [w97 8/1 bf. 13 kk. 18-20]

9. Mɛɛ gbɛ nɔ Shunamyoo lɛ ‘gbá ehe naa’ yɛ Elisha hewɔ? (2 Maŋ. 4:13) [w97 10/1 bf. 30 kk. 6-8]

10. Mɛni hewɔ Elisha heee Naeman nikeenii lɛ? (2 Maŋ. 5:15, 16) [w05 8/1 bf. 9 kk. 2]