Bɔ Ni Obaafee Okai Ŋmalɛi

Ani bei komɛi lɛ ewa kɛhã bo akɛ obaakai ŋmalɛ ko ni osumɔɔ waa lɛ mli wiemɔi loo he ni eyɔɔ? Ekolɛ ŋmalɛ nɛɛ ji ŋmalɛ ko ni shɛjeɔ omii, loo ŋmalɛ ko ni yeɔ ebuaa bo ni ojie susumɔ gbonyo ko kɛje ojwɛŋmɔ mli, loo ŋmalɛ ko ni obaasumɔ ni okɛwo mɔ ko hewalɛ. (Lala 119:​11, 111) Naa ŋaawoi komɛi ni baanyɛ aye abua bo ni okai ŋmalɛi.

• Okɛ tag awo he yɛ JW Library^® lɛ mli. Kɛ́ ookane Biblia lɛ yɛ JW Library lɛ mli ni ona ŋmalɛ ko ni onyaa he waa lɛ, obaanyɛ okɛ tag awo he koni sɛɛ mli kɛ́ ootao lɛ, onyɛ ona.a

• Ŋmaa ni okɛwo he ko ni obaanyɛ ona. Ŋmaa ŋmalɛ ni oosumɔ ni okai lɛ ni okɛfɔ̃ he ko ni obaana shii abɔ yɛ gbi lɛ mli. Mɛi komɛi kɛfɔ̃ɔ amɛshwishwɛi ahe, ni mɛi komɛi hu kɛkpɛtɛɔ amɛfriji he. Mɛi komɛi hu shaa ni amɛkɛfɔ̃ɔ amɛkɔmpiuta, foŋ, loo tablɛti nɔ.

• Ŋmaa yɛ wolo nɔ ni okpe owo oyitsoŋ. Ŋmaa ŋmalɛ lɛ diɛŋtsɛ yɛ wolo lɛ hiɛ ni oŋma emli wiemɔi lɛ yɛ wolo lɛ sɛɛ. Agbɛnɛ, kwɛmɔ ŋmalɛ lɛ ni okwɛ akɛ obaakai emli wiemɔi lɛ lo, loo tsɔ he ni emli wiemɔi lɛ yɔɔ lɛ ni okwɛ akɛ obaakai ŋmalɛ lɛ lo.