Luc

8 Apré sa, i alé annan roun vil apré rounòt é annan roun vilaj apré rounòt pou préché é pou fè tout moun konnèt bon nouvèl rwayonm Bondjé-a. Douz apot-ya té ké li. 2 I té gen osi déztrwa madanm Jézi té tiré mové lèspri asou yé é i té géri yé maladi : Mari, yé té ka aplé Magdaléenn-an, sèt démon té soti di so kò, 3 Jann (madanm Chouza, roun fonksyonèr Éròd), Sizann ké roun patché ròt madanm, ki té ka sèrvi sa yé té gen pou randé yé sèrvis. 11 Men sa sa èkzanp-a lé di : Grenn-yan ka rouprézanté paròl Bondjé-a. 15 Sa-ya ki anlè bon latè-a, a sa-ya ki gen roun tchò ki bèl é ki bon, é apré yé tandé paròl-a, yé ka tchenbé l’ é yé pa janmen ka arété bay frwi. 40 Lò Jézi viré, roun patché moun byen rousouvwè l’, pas tout moun té ka antann li. 41 Mé roun mouché, so non a té Jayir rivé ; a li ki té prézidan sinagòg-a. I jité so kò douvan pyé Jézi é i sipliyé l’ vini annan so kaz, 42 paské so sèl tifi, ki té gen apéprè 12 lannen, té ka mouri. Toupannan Jézi té a chimen, patché moun té ka kolé l’. 49 I té ka palé toujou lò roun réprézantan di prézidan sinagòg-a rivé é i di : « To tifi mouri. Pa déranjé Ansényan-an ankò. » 50 Lò Jézi tandé sa, i di li : « Pa bézwen pè, yenki gen lafwa, é i ké sové. » 51 Lò i rivé annan kaz-a, i pa lésé pyès moun antré ké li, sof Pyèr, Jan ké Jak, épi papa ké manman timoun-an. 52 Tout moun té ka pléré é yé té ka bat yé potrin fòrs yé té gen chagren. Mé i di yé : « Asé pléré, paské i pa mouri. A dronmi i ka dronmi. » 53 Yé koumansé ari di so tèt, paské yé té savé ki tifi-a té mouri. 54 Atò i pran so lanmen é i di li byen fò : « Mo pitit, lévé ! » 55 So lèspri rouvini é tifi-a lévé lanmenm. É i di yé bay li manjé. 56 A pa ti kontan papa ké manman tifi-a té kontan, mé i di yé pa di sa ki rivé pou pyès moun.