Jacques

3 É lò zòt ka doumandé roun bagaj, zòt pa ka rousouvwè l’ paské zòt ka doumandé ké mové lentansyon, pou fè sa zòt lachè anvi fè. 4 Zòt ki pa fidèl, ès zòt pa savé ki lò zòt zanmi ké monn-an, sa lé di ki zòt sa lèlmi Bondjé ? Atò, sa-la ki lé sa zanmi monn-an ka divini lèlmi Bondjé. 6 Mé, favèr nou pa mérité Bondjé ka bay, pi gran ankò. Ékritir-ya ka di : « Bondjé kont sa-ya ki gen òrgèy, mé i ka bay sa-ya ki gen imilité so favèr nou pa mérité-a. » 7 Atò, asèpté Bondjé koumandé zòt ; mé pa bay Djab-a pyès chans, é i ké pran kouri lwen di zòt. 8 Vini pi pròch di Bondjé, é i ké vini pi pròch di zòt. Pròpté zòt lanmen, zòt ki gen péché, é tiré sa ki mové annan zòt tchò, zòt ki pa savé sa zòt lé. 13 Aprézan, a pou zòt kouté, zòt ki ka di : « Jòdla ouben dimen, nou ké alé annan sa vil-a, nou ké rété roun lannen la, nou ké achté, nou ké vandé é nou ké fè soumaké », 14 zòt ka di sa, zòt pa menm savé sa ki ké rivé zòt dimen. Zòt sa roun labrim ki ka parèt pou roun ti moso tan épi ki ka disparèt. 15 Men sa pou zòt di pito : « Si Jéova lé, nou ké viv é nou ké fè tèl bagaj ouben tèl bagaj. »