1 Jean

4 Zòt mo kontan-an, pa krè tout bagaj yé ka di ki ka vini di Bondjé, mé a pou zòt chaché savé si yé ka vin di Bondjé vré, paské i gen roun patché fo profèt annan monn-an. 4 Timoun-yan, zòt ka vini di Bondjé, é zòt ganyen sa fo profèt-ya, paské sa-la ki ansanm ké zòt pi gran pasé sa-la ki ansanm ké monn-an. 7 Zòt mo kontan-an, annou kontinyé kontan nou konpanyen, paské lanmou ka vini di Bondjé, é roun moun ki kontan ròt-ya ka vini di Bondjé é i konnèt Bondjé. 8 Si roun moun pa kontan ròt moun, i pa konnèt Bondjé, paské Bondjé sa lanmou. 9 Men kouman Bondjé montré i kontan nou : Bondjé voyé so sèl Pitit annan monn-an pou nou pouvé gen lavi grasa li. 10 Men sa ki lanmou : a pa nou ki montré nou kontan Bondjé, mé a li ki montré i kontan nou é i voyé so Pitit an sakrifis pou nou péché, pou pèrmèt nou viré byen ké li. 11 Mo frè-ya mo kontan, si a konsa Bondjé montré i kontan nou, atò nou oblijé kontan nou konpanyen. 16 É nou anprann konnèt lanmou Bondjé gen pou nou é nou anprann krè annan sa lanmou-a. Bondjé sa lanmou, é sa-la ki ka rété annan lanmou-a ka rété ansanm ké Bondjé é Bondjé ka rété ansanm ké li. 19 Nou gen lanmou, paské i montré so lanmou pou nou anvan. 20 Si roun moun ka di : « Mo kontan Bondjé », é pourtan i rayi so frè, i sa roun mantò. Paské sa-la ki pa kontan so frè i ka wè, pa pouvé kontan Bondjé i pa pouvé wè. 21 É i bay nou sa koumannman-an : sa-la ki kontan Bondjé, a pou i kontan so frè osi.