2 Timothée

3 Mé i fo to savé ki annan dèrnyé jou-ya, i ké gen dé tan difisil pou sipòrté. 2 Paské moun-yan ké gadé pou yé pròp kò, yé ké kontan soumaké, yé ké fè gran larjò, yé ké krè yé miyò pasé pyès moun, yé pa ké gen rèspè pou bagaj ki sakré, yé pa ké obéyi yé papa ké yé manman, yé ké engra, yé pa ké fidèl, 3 yé pa ké kontan yé fanmi, yé pa ké rivé tonbé dakò ké yé konpanyen, yé ké palé moun mal, yé pa ké kontrolé yé kò, yé ké mové menm, yé pa ké kontan sa ki byen, 4 yé ké trèt, yé tèt ké rèd, yé ké gonflé yé lèstomak, pasé yé kontan Bondjé yé ké kontan plézi, 5 yé ké di yé kontan Bondjé swadizan, mé yé pa ké lé kouté l’. Rété lwen di sa kalité moun-yan. 12 Épi, tout sa ki lé kontinyé adoré Bondjé ké fidélité é kontinyé swiv Jézi Kris, yé ké pèrsékité yé osi. 13 Mé moun ki méchan ké moun ki ka manti pou tronpé moun ké divini plizanpli mové. Yé ké bloublou moun é moun ké bloublou yé. 14 Mé, to menm, kontinyé swiv tousa to anprann é ki yé fè to krè paské yé fè to vin sir di sa, paské to savé kimoun ki anprann to tousa, 15 é paské dipi to toupiti timoun to konnèt sa ki ékri annan liv sakré-ya ki pouvé bay to sajès ki ka sové grasa lafwa annan Jézi Kris. 16 Tousa ki marké annan Ékritir-a ka vini di lèspri sen Bondjé é i bon pou ansényé, pou korijé, pou roudrésé tout bagaj, pou anprann moun maché drèt, 17 pou sèrvitèr Bondjé-a adòk, pou i pouvé gen tousa i bézwen pou fè tout bagaj ki bon.