• Kouman Labib-a pouvé idé ou ?
    Viv ké tchò kontan pou tout-tan ! (Kozman asou Labib-a)
    • Léson 1. Roun Labib ki louvri.

      LÉSON 01

      Kouman Labib-a pouvé idé ou ?

      Nou tout ka pozé nou kò késyon asou lavi-a, soufrans-ya, lanmò-a ouben asou sa dimen ké poté. Nou tout gen bagaj ki ka enkyété nou touléjou : parèkzanp, kouman nou pouvé bay nou fanmi sa i bézwen pou viv é pou i gen tchò kontan. Bokou moun wè ki Labib-a ka réponn késyon enpòrtan asou lavi-a é ki i ka idé yé annan yé lavi. É ou menm, ès ou ka pansé ki Labib-a pouvé idé nou ?

      1. Labib-a ka bay répons asou ki késyon ?

      Labib-a ka bay répons asou sa késyon enpòrtan-yan : Kouman lavi-a koumansé ? Poukisa nou asou latè-a ? Poukisa moun inosan ka soufri ? Kisa ki ka pasé apré lanmò ? Tout moun lé viv byen ké ròt moun-yan, atò poukisa i gen patché lagèr ? Kisa latè-a ké divini ? Sa nòrmal pozé nou kò sa késyon-yan. A sa milyon moun fè é yé té vréman kontan trouvé répons-ya annan Labib-a.

      2. Ès Labib-a pouvé idé ou annan ou lavi ?

      Annan Labib-a i gen patché bon konsèy. Parèkzanp, i ka idé fanmi-ya gen tchò kontan. I ka bay konsèy pou nou pa enkyété tròp é pou nou kontan travay nou ka fè-a. Ou ké wè annan sa ti liv-a sa Labib-a ka anprann nou asou sa zafè-ya ké patché ròt bagaj ankò. Asiré pa pitèt, nou kozé ké idé ou konprann ki ‘tousa ki marké annan Ékritir-a [sa lé di sa i gen annan Labib-a] pouvé itil pou ou’ (2 Timothée 3:16).

      Sa liv-a ka ankourajé ou étidyé Labib-a, mé i pa ka pran so plas. A pou sa nou ka envité ou li vèrsé-ya ki annan léson-yan é gadé wè si yé ka alé ké sa ou ka anprann.

      ANNOU FOUYÉ ANNAN LABIB-A

      Annou wè kouman Labib-a idé moun, sa ou pouvé fè pou pran plézi li Labib-a é poukisa sa byen ki roun moun idé ou konprann sa Labib-a ka di.

      3. Labib-a pouvé montré nou bon chimen-an

      Labib-a kou roun lanp ki ka kléré byen fò. I pouvé kléré nou pou nou rivé pran désizyon ki bon, épi gras a li nou savé sa dimen ké poté.

      Li Psaume 119:105 épi kozé asou sa késyon-yan :

      • Kisa moun-an ki ékri sa psaume-an té ka pansé di Labib-a ?

      • É ou menm, kisa ou ka pansé di Labib-a ?

      Annan soukou, roun wonm ka maché asou roun chimen plen ké ròch òbò roun larivyè ; i gen roun lanp ka kléré so chimen.

      4. Labib-a ka réponn késyon nou ka pozé nou kò

      Roun madanm trouvé annan Labib-a répons asou késyon i té ka pozé so kò dipi plizyèr lannen. Gadé VIDÉYO-a épi kozé asou sa késyon-yan :

      VIDÉYO : Pa janmen pédi èspwar ! (1:48)

      • Ki késyon sa madanm-an té ka pozé so kò ?

      • Kouman étid Labib-a idé l’ ?

      Labib-a ka ankourajé nou pozé nou kò késyon. Li Matthieu 7:7 épi kozé asou sa késyon-an :

      • Ki késyon ou ka pozé ou kò é ou té ké kontan trouvé répons-ya annan Labib-a ?

      5. Ou pouvé pran plézi li Labib-a

      Bokou moun kontan li Labib-a é yé ka di ki sa ka fè yé santi yé kò byen. Gadé VIDÉYO-a épi kozé asou sa késyon-yan :

      VIDÉYO : Li Labib-a (2:05)

      • Annan sa vidéyo-a, ès jennjan-yan kontan li ?

      • Mé poukisa yé kontan li Labib-a ?

      Sa nou ka anprann annan Labib-a ka konsolé nou é ka bay nou roun èspwar. Li Romains 15:4 épi kozé asou sa késyon-an :

      • Ès sa ka entérésé ou konnèt plis bagaj asou konsolasyon ké èspwar Labib-a ka palé-a ?

      6. Sa pi fasil konprann Labib-a lò roun moun ka idé nou

      Bokou moun kontan li Labib-a, mé anplis di sa yé ka trouvé ki kozé ké rounòt moun asou sa yé ka li ka idé yé. Li Actes 8:26-31 épi kozé asou sa késyon-an :

      Montage : 1. Filip, évanjélizatèr-a, ka èspliké Ékritir-ya pou mouché étchopyen-an. 2. Roun Témwen Jéova ka palé di Labib-a ké roun manman é so dé pitit.

      Mouché Étchopyen-an té bézwen roun moun idé l’ konprann sa i té ka li. Jòdla osi bokou moun ka trouvé sa itil kozé asou Labib-a ké ròt moun.

      I GEN MOUN KA DI : « Étidyé Labib-a pa ka sèrvi anyen, a pédi so tan. »

      • É ou menm, kisa ou ka pansé ? Poukisa ?

      SA NOU WÈ

      Labib-a gen bon konsèy pou tout sitiasyon nou ka jwenn, i ka réponn késyon enpòrtan asou lavi-a, i ka konsolé nou é i ka bay nou roun èspwar.

      Kisa ou anprann

      • Ki konsèy nou ka trouvé annan Labib-a ?

      • Bay déztrwa késyon Labib-a ka réponn.

      • Kisa ou té ké kontan Labib-a anprann ou ?

      Éséyé fè sa

      SA OU POUVÉ TRAPÉ OSI

      Konsèy Labib-a toujou itil jòdla.

      « Une sagesse à l’épreuve du temps » (La Tour de Garde no 1 2018)

      Labib-a idé roun mouché ki té ka pansé i té sa roun bonnaryen dipi i té toupiti.

      Kouman mo koumansé roun nouvo lavi plen ké lajwa (2:53)

      Konsèy di Labib ki itil pou fanmi-ya.

      « 12 clés du bonheur familial » (Réveillez-vous ! no 2 2018)

      Bokou moun ka pansé ki a Bondjé ka dirijé monn-an. Mé ès a vréman sa ? Gadé sa Labib-a ka di.

      Poukisa étidyé Labib-a ? (vèrsyon long-a) (3:14)

  • Labib-a, a mésaj Bondjé pou nou
    Viv ké tchò kontan pou tout-tan ! (Kozman asou Labib-a)

    • 1. Si a wonm ki ékri Labib-a, poukisa nou ka di a Paròl Bondjé ?

      Apéprè 40 wonm ékri Labib-a, é yé pran plis ki 1 600 lannen pou ékri l’. Yé koumansé sa travay-a an 1 513 anvan nou lépòk é yé fini l’ bòd lannen 98 di nou lépòk. Sa wonm-yan té vréman diféran roun di ròt. Annan yé i té gen bèrjé, péchò ké rwa. Magré sa, tousa yé di k’alé annan menm sans-a. Kouman sa posib ? A paské Labib-a ka vini di Bondjé (li 1 Thessaloniciens 2:13). Wonm-yan ki ékri Labib-a pa ékri sa yé té gen annan yé tèt. Pasé yé fè sa, yé « di Paròl Bondjé-a » paské « lèspri sen té ka gidé yéa » (2 Pierre 1:21) (gadé nòt-a). Bondjé sèrvi so lèspri sen pou enspiré wonm-yan, sa lé di i fè yé ékri sopa pansé (2 Timothée 3:16).