Psaume

37 Pa faché akoz di moun-yan ki mové é pa jalou bandi-ya. 2 Yé ké vin sèk vit kou radyé é yé ké fannen kou radyé vèrt-a. 3 Mété to konfyans annan Jéova é fè sa ki byen ; rété asou latè-a é aji ké fidélité. 4 Pran tout to plézi annan Jéova, é i ké bay to sa to tchò anvi. 5 Lésé Jéova trasé to chimen, konté asou li, é i ké idé to. 6 I ké fè sa to ka fè ki jis kléré kou limyèr-a lò solèy-a ka lévé é i ké fè sa to ka fè ki drèt kléré kou solèy midi. 7 Pa di anyen douvan Jéova épi antann li ké pasyans. Pa lévé faché kont moun-an ki ka rivé fè mové bagaj i ka kalkilé. 8 Pa faché é pa fè mové kòlè ; pa nèrvé, paské sa ké fè to fè mové bagaj. 9 Paské moun mové-ya ké détrwi, mé sa-ya ki ka mété yé èspwar annan Jéova ké viv asou latè-a. 10 Roun ti moso tan ankò, é moun méchan pa ké la ankò ; to ké gadé koté yé té fika, é yé pa ké la. 11 Mé a moun ki ka fè yé kò toupiti ki ké viv asou latè-a é yé ké pran plézi annan lapè i ké gen tout koté asou latè-a. 22 Moun-yan Bondjé ka béni ké viv asou latè-a, mé sa-ya i ka voyé malédiksyon asou yé ké disparèt. 23 Lò Jéova kontan chimen roun moun ka pran, i ka gidé l’. 24 Menmsi i tribiché, i pa ké lonjé plat atè, paské Jéova ka tchenbé so lanmen. 25 Mo té jenn, é aprézan mo vin vyé, mé mo pa janmen wè Bondjé anbandonnen roun moun ki jis é mo pa janmen wè so pitit ka chaché dipen non plis. 28 Pas Jéova kontan lajistis, é i pa ké abandoné so fidèl-ya. I ké toujou protéjé yé ; mé i ké fè pitit méchan-yan disparèt. 29 Moun ki jis ké gen latè-a, é yé ké viv asou l’ pou tout-tan.