Jean

4 Lò i ka mennen tout so brébi dèrò, i ka maché douvan yé, é brébi-ya ka swiv li, paské yé konnèt so vwa. 5 Yé pa ké jen swiv roun moun yé pa konnèt, yé ké pito maron, paské yé pa ka rékonnèt vwa moun yé pa konnèt. 11 Mo sa bon bèrjé-a ; bon bèrjé-a ka bay so lavi pou brébi-ya. 14 Mo sa bon bèrjé-a. Mo konnèt mo brébi é mo brébi konnèt mo, 16 « É mo gen ròt brébi, yé pa annan sa pak-a ; yé menm osi, a pou mo fè yé vini, é yé ké kouté mo vwa : yé ké divini rounsèl troupo, é a rounsèl bèrjé yé ké gen. 17 A pou sa, Papa-a kontan mo, paské mo ka bay mo lavi, pou mo pouvé rousouvwè l’ ankò. 18 Pyès moun pa ka pran mo lavi, a mo ki ka désidé bay li. Mo pouvé bay mo lavi, é mo pouvé rousouvwè l’ ankò. Men koumannman mo Papa bay mo. 25 Jézi réponn yé : « Mo di zòt sa, é magré sa zòt pa ka krè. Tousa mo ka fè annan non mo Papa, a sa ki ka palé pou mo. 27 Mo brébi-ya ka kouté mo vwa, é mo konnèt yé é yé ka swiv mo. 28 Mo ka bay yé lavi pou tout-tan, yé pa ké janmen disparèt é pyès moun pa ké raché yé annan mo lanmen.