2 Timothée

2 préché paròl-a ; ki lépòk-a bon, ki lépòk-a rèd, kontinyé fè l’ ; rouprann moun-yan, korijé yé, ankourajé yé, é a pou to fè tousa kou roun bon ansényan ké bokou pasyans. 3 Paské i ké gen roun tan yé pa ké pouvé sipòrté bon ansèyman-an, mé, soulon yé pròp anvi, yé ké chaché gen òbò yé ansényan ki ké karésé yé zorè. 5 Mé to, kontinyé byen réfléchi annan tout sitiasyon, tchenbé rèd annan éprèv-ya, fè sa roun évanjélizatèr divèt fè, kontinyé fè travay yé bay to fè-a ké tout to fòrs. 6 Paské mo menm, mo ja kou roun ofrann diven yé ka vidé asou lotèl-a, é titalò, yé ké libéré mo. 7 Mo briga annan bèl konba-a, mo fini mo lakours, mo gardé mo lafwa. 8 É aprézan, Sényèr-a, jij-a ki jis, mété kouròn lajistis asou koté pou mo, i ké bay mo l’ pou rékonpansé mo sa jou-a, menmsi a pa pou mo rounso, mé a pou tout sa-ya ki té présé wè li parèt. 9 Fè tousa to pouvé pou vini jwenn mo titalò. 11 A Lik rounso ki la ké mo. Pran Mark ké to, paské i ké byen idé mo annan ministèr-a. 17 Mé Sényèr-a, li menm, té la òbò mo é i bay mo fòrs, pou mo pouvé préché sa mésaj-a tout koté é pou moun tout nasyon tandé l’. É i sové mo, i tiré mo annan djòl lyon-an. 18 Sényèr-a ké libéré mo di tout mové bagaj é i ké sové mo pou so rwayonm ki annan syèl-a. A pou i gen laglwar pou tout-tan. Anmèn.