Proverbes

17 Manjé roun moso dipen sèk, koté i gen lapè, miyò pasé manjé gran répa toulong, annan roun kaz moun ka babyé. 3 I gen bagaj ki fèt pou fonn larjan, é four-a, a pou lò, mé sa-la ki ka gadé tchò moun, a Jéova. 4 Roun moun ki méchan ka pran tan kouté paròl ki ka fè moun mal, é roun moun ki ka manti ka kouté tout mové paròl moun ka di. 9 Moun-an ki ka pardonnen péché ròt moun ka chaché lanmou, mé moun-an ki ka fè yenki palé di roun bagaj ki pasé ka fè bon zanmi faché. 14 Lò to ka lévé roun blo, a kousidiré to té ka lagé gro dlo. Anvan roun blo pété, a pou to pati jantiman. 17 A tout tan roun bon zanmi ka montré so lanmou, é a roun frè ki fèt pou jou malò-ya. 22 Lò to gen tchò kontan, a roun bon rémèd, mé roun moun ki dékourajé ka pédi tout so fòrs. 24 Sa-la ki ka byen konprann bagaj-ya ka aji ké sajès ; mé sa-la ki sòt ka lésé so wéy trennen koté ki pi lwen asou latè-a. 27 Roun moun ki gen konésans ka tchenbé so lang, é roun moun ki konnèt fè diférans ant sa ki bon ké sa ki mové ka rété kalm.