Actes

4 Anvan to vandé to téren, ès i pa té di to toujou ? É lò to vandé téren-an, ès to pa té pouvé fè sa to té lé ké lajan-an ? Kouman to fè sonjé fè roun bagaj konsa ? A pa pou moun to manti, a pou Bondjé to manti. » 17 Mé, afors yé té jalou, ni gran prèt-a, ni sa-ya ki té ké li mété yé kò dibout (yé té annan group sadiséyen-yan). 19 Mé pannan lannwit-a, zanj Jéova-a louvri lapòt-ya, i fè yé soti di lajòl-a é i di yé : 27 Donk yé mennen yé douvan Sanédren-an, épi granprèt-a pozé yé késyon. 28 I di yé : « Nou té défann zòt kontinyé ansényé sa non-an, mé zòt plen Jérizalèm ké zòt ansèyman ! Zòt vréman byen désidé mété lanmò sa mouché-a asou nou do ! » 29 Pyèr ké ròt apot-ya réponn : « Nou divèt obéyi Bondjé pasé nou obéyi moun-yan. 30 Bondjé nou gangan-yan résisité Jézi, sa-la zòt tchwé asou roun poto. 31 Bondjé bay li roun pi gran lònò é i mété l’ asou so drèt kou Gid prensipal é kou Sa-la ki ka sové, pou pèrmèt Israyèl répanti é pou Bondjé pardonnen yé péché. 32 É nou témwen di sa lévènman-yan, nou ké lespri sen-an osi, ki Bondjé bay pou sa-ya ki ka obéyi l’. 33 Lò yé tandé sa, yé lévé faché é yé té lé tchwé yé. 34 Mé roun farizyen yé té ka aplé Gamalyèl mété so kò dibout annan Sanédren-an (a té roun ansényan Lalwa tout pèp-a té ka rèspèkté), é i fè sa wonm-yan soti roun ti moman. 35 Apré sa i di : « Wonm Israyèl, panga sa zòt lé fè ké sa wonm-yan. 36 Parèkzanp, i gen roun ti tan di sa, Tédas, ki té konprann di i té roun grotchap, fè apéprè 400 wonm vini ké li. Mé yé tchwé l’, é tout sa-ya ki té ka swiv li pati tout koté épi yé disparèt. 37 Apré li, annan lépòk yé té ka konté moun-yan, i té gen roun mouché yé té ka aplé Jida Galiléyen-an ki ralé bokou moun dèyè li. Sa mouché-a osi yé tchwé l’, é tout sa-ya ki té ka swiv li pati tout koté. 38 A pou sa, annan sa sitasyon-an mo ka di zòt : pa mélé zòt kò ké sa wonm-yan ; lésé yé. Pas, si a wonm ki dèyè sa projè-a ouben sa travay-a, i pa ké tchenbé ; 39 mé si a Bondjé ki dèyè sa, zòt pa ké pouvé fè yé anyen . Panga, pitèt menm a ké Bondjé zòt ka briga. » 40 Yé kouté sa i di, yé fè apot-ya vini é yé fwété yé, épi yé bay yé lòrd arété palé annan non Jézi, épi yé libéré yé. 41 Atò, apot-ya soti douvan Sanédren-an, yé té kontan paské Bondjé té trouvé ki tèlman yé té gen valò, yé té pouvé pran mépri pou non Jézi. 42 É chak jou, annan Tanp-a é di kaz an kaz, a toulong yé té ka kontinyé ansényé ké di bon nouvèl-a asou Kris, Jézi.