Luc

12 Roun jou, i alé asou montangn-an pou priyè, é i pasé tout lannwit ka priyè Bondjé. 22 « Lò moun-yan rayi zòt, ka mété zòt dèrò, ka jouré zòt épi ka sali zòt non, akoz di Pitit wom-an, zòt tchò kontan. 23 Lò sa ka rivé, a pou zòt fè lafèt é a pou zòt gen tchò kontan, paské zòt rékonpans gran annan syèl-a épi a sa yé gangan té ka fè profèt-ya. 31 « Épi, sa zòt lé moun-yan fè pou zòt, fè l’ pou yé osi. 35 O kontrèr, a pou zòt kontan zòt lèlmi, a pou zòt fè bon bagaj é a pou zòt prété san zòt pa antann anyen di tou. Atò, zòt ké gen roun gro rékonpans, é zòt ké sa pitit sa-la ki Pi-Rot-a, pas i bon pou sa-ya ki engra é pou sa-ya ki méchan. 36 Menm fason zòt Papa gen mizérikòrd, a pou zòt gen mizérikòrd. 37 « Épi, arété jijé moun, é moun pa ké jijé zòt. Arété kondané moun, é moun pa ké kondané zòt. Kontinyé pardonnen moun, é moun ké pardonnen zòt. 38 Pran labitid bay, é yé ké bay zòt. Yé ké vidé roun gran kantité annan zòt lenj, yé ké soukouyé l’ pou mété plis, i ké plen, i ké jis débòrdé. Paské a dapré fason zòt ka méziré yé ké méziré pou zòt osi. 45 Roun bon moun ka di bon bagaj paské so tchò plen ké bon bagaj, mé roun moun ki mové ka di mové bagaj paské so tchò plen ké mové bagaj. Paské a sa roun moun gen annan so tchò i ka di.