Isaïe

13 A pou sa, men sa Souvéren Sényèr Jéova-a ka di : « Gadé ! Mo sèrvitèr-ya ké manjé, mé zòt, zòt ké fen. Mo sèrvitèr-ya ké bwè, mé zòt, zòt ké swèf. Mo sèrvitèr-ya ké gen tchò kontan, mé zòt, zòt ké ronté. 14 Lajwa ké fè mo sèrvitèr-ya rélé tèlman yé tchò kontan, mé zòt menm, a lapenn annan zòt tchò ki ké fè zòt rélé, é zòt ké plenn zòt kò paské zòt lèspri ké krazé. 16 Konsa, nenpòrt kimoun ki ké chaché gen roun bénédiksyon asou latè-a, Bondjé lavérité-a ké béni l’, é nenpòrt kimoun asou latè-a ki ké jiré, ké sèrvi non Bondjé lavérité-a pou fè l’. Paské yé ké bliyé bagaj tan-lontan ki fè yé soufri. Mo pa ké wè sa bagaj-ya ankò. 17 Paské gadé ! mo ka fè roun nouvo syèl ké roun nouvo latè ; é nou pa ké sonjé bagaj tan-lontan, é yé pa ké vin annan nou tchò pou troumanté nou. 18 A pou zòt fè lafèt é a pou sa mo ka fè, fè zòt gen lajwa pou tout-tan. Paské gadé ! Mo ka fè Jérizalèm pou i fè tout moun kontan é mo ka fè so pèp pou i fè tchò tout moun kontan. 19 Wi mo ké kontan é mo ké fè lafèt parapòrta Jérizalèm é mo pèp ké fè mo tchò kontan menm ; yé pa ké tandé pyès moun rélé ni kriyé akoz di malò-a. 20 « I pa ké gen ti bébé annan sa koté-a ki ké viv déztrwa jou rounso, i pa ké gen granmoun ki pa ka rivé annan bout so lavi. Paské sa-la ki ké mouri lò i ké gen 100 lannen, yé ké di ki i té jenn, é yé ké voyé malédiksyon asou péchèr-a menmsi i gen 100 lannen. 21 Yé ké fè kaz é yé ké rété annan, yé ké manjé rézen yé planté. 22 Yé pa ké fè kaz pou ròt moun rété annan, yé pa ké planté pou ròt moun manjé. Paské mo pèp ké viv lontan kou pyébwa, é sa-ya mo chwazi ké profité di yé travay toubonnman. 23 Yé pa ké las pou anyen, yé pa ké gen timoun pou wè yé soufri, paské yé ké yé timoun sa jénérasyon Jéova béni. 24 Anvan menm yé aplé, mo ké réponn yé ; anvan menm yé fin palé, mo ké tandé yé. 25 Lou-a ké ti-mouton-an ké manjé ansanm, lyon-an ké manjé pay kou toro-a, é sèrpan-an ké manjé lapousyè. Yé pa ké fè pyès méchansté, ni pyès ravaj annan tout mo montangn sakré-a », a sa Jéova di.