Jean

8 12 Jézi palé pou yé ankò, i di yé : « Mo sa limyèr monn-an. Sa-la ki ka swiv mo pa ké janmen maché annan soukou, mé i ké gen limyèr lavi-a. » 16 É menmsi sa ka rivé mo jijé moun, mo jijman vré paské mo pa tousèl, mé Papa-a ki voyé mo, i la ké mo. 28 Alòr Jézi di : « Lò zòt ké mété Pitit wonm-an asou poto-a, a la zòt ké savé ki mo sa sa-la mo ka di mo sa é ki mo pa ka fè anyen di mo pròp kò, mé sa mo Papa ansényé mo, a sa mo ka di. 29 É sa-la ki voyé mo-a, la ké mo, i pa lésé mo tousèl, paské mo toujou ka fè sa ki ka fè li plézi. » 31 Alòr Jézi di ankò pou Jwif-ya ki té krè li : « Si zòt ka kontinyé swiv mo paròl-ya, zòt sa vréman mo disip-ya, 32 é zòt ké konnèt lavérité, é lavérité-a ké libéré zòt. 44 Zòt menm, a koté zòt papa Djab-a zòt soti, é zòt lé fè sa zòt papa lé. I té sa roun kriminèl lò i koumansé, é i pa tchenbé annan lavérité-a, paské i pa gen pyès lavérité koté li. Lò i ka manti, i ka di sa ki ka alé an so sans, paské a roun mantò é a li ki papa manti-a. 45 Mé mo menm, paské mo ka di zòt lavérité, zòt pa ka krè mo. 46 Kimoun annan zòt pouvé di ki mo péché ? Si mo ka di lavérité, poukisa zòt pa ka krè mo ? 47 Sa-la ki ka vini di Bondjé ka kouté paròl Bondjé-ya. A pou sa zòt menm, zòt pa ka kouté, paské zòt pa ka vini di Bondjé. » 56 Abraam zòt papa té kontan bokou lò i té ka sonjé jou mo té ké vini-a. I wè sa jou-a é i té kontan. »