Te Kaetieti Ibukini Wikin Tianuare 24

TE WIKI AE MOANAKI N TIANUARE 24

Anene 53 ao Tataro

□ Te Reirei n te Baibara n te Ekaretia:

lv mwa. 5 bar. 1-6, n taiani bwaoki i. 60, 61 (25 min)

□ Te Kuura ni Kataneiai Ibukia Taan Uarongorongo:

Wareware n te Baibara: Etira 6-10 (10 min)

Na. 1: Etira 7:1-17 (4 min ke i aana)

Na. 2: Aron Iesu ni Kaotiota Koauan Tauraoina n Tautaeka Bwa te Uea (5 min)

Na. 3: Bukin Tera Bwa Ti Riai n Tuoi Moa Aroarora Imwain ae Ti Mare?​—fy i. 16 bar. 7-i. 18 bar. 10 (5 min)

□ Te Botaki Ibukin te Uarongorongo:

Anene 30

5 min: Kaongora. Maroroakina te boki are e na kabonganaaki n ara mwakuri ni Beberuare ao karaoa te kaotioti teuana mai iai.

20 min: “Te Ibuobuoki Ibukia Utu.”​—Mwakoro 1. (Barakirabe 1-6 ao n te bwaoki n iteraniba 6.) Titiraki ma kaeka. Kaungaia kaain te botaki bwa a na kataia ni kabongana te reirei man te bwaoki ane n iteraniba 6 n aia Taromauri n Utu n te tairiki are imwina. N te wiki are imwina, ngkana e bane n rinanoaki nikiran te reirei anne, a a kona ngkanne kaain te utu n taekin aia iango ibukin aroni kakabwaiaaia kaain te utu mani kabonganaan te reirei anne.

10 min: Tauraoi ni Kabongana Ara Maekatin ni Beberuare. Maroro. Rinanoni kanoan te maekatin i nanon teuana ke uoua te miniti. Imwina rinea uoua ke tenua te kaongora iai ao kaoia kaain te botaki bwa a na taekin titiraki ao kiibu ake a kona ni kamanenai n aia maroro. Karaoa te kaotioti ni kaota iai aron tibwaakin te maekatin.

Anene 32 ao Tataro