Iango Ibukin te Ukeuke n Reirei i Bon Iroum ao te Taromauri n Utu

Ti taromauria Iehova tiaki n tii ni kurubu aika bubura, n ara bobotaki n taromauri, n ruunga, ao ni bwabwaro, ma i bon iroura naba n tatabemanira nako ao n ara utu. Aikai iango tabeua aika ko kona ni karaoi i bon iroum ao n am taromauri n utu:

• Katauraoi nakoni bobotaki n te ekaretia. Ko kona ni kamatei taian anene ao ni buokiia am utu ni kabane bwa a na katauraoi aia kaeka.

• Wareka te rongorongo teuana man te Baibara. Imwin anne, korea taamnein te bwai ae riki n te rongorongo ke korea reireiam mai iai.

• Wareka taekan te tataro teuana n te Baibara, ao maroroakinna bwa e na kangaa ni katamaroai riki am tataro.

• Mataku n te taamnei teuana man jw.org ao imwina maroroakinna ma tabemwaang ke korea te bae anaaki nanom iai.

• Katauraoi nakon te mwakuri ni minita tao n arom ni karaoa am kataneiai ibukin arom n uarongorongo.

• Taratarai taiani karikibwai ao kananoa am iango i aoia ke maroroakina reireiam iai ibukin Iehova.a