Arora ni Karikirakea te Nano n Umaki Ibukin te Uarongorongo

E riai ni karikirakeaki te nano n umaki ao e riai karekeana ibukini kamanoam n tokin te waaki ae ngkai i aon te aba. Ngkana ti ongeaba nakon taiani kauring aikai, ti a kona iai ni karikirakea iroura te nano n umaki.

• Katoatai n tataro ibukin te Tautaeka n Uea.​—Mat. 6:10.

• Kawakina nanom ni wawarekan te Baibara ni katoabong.​—Ebera 3:12.

• Kamanena am tai ma te wanawana.​—IEbe. 5:15, 16; IBir. 1:10.

• Teimatoa ni “kaatuua taraan” te bwai ae tii teuana ni matam. Tai raraomaeakini baika tatangiraki n te aonnaba.​—Mat. 6:22, 25; 2 Tim. 4:10.

• Teimatoa n tantani n iaiangoan raoi kakoroani bukin taian taetae ni burabeti n te Baibara.​—Mareko 13:35-37.

Ngkana iai iroura te nano n umaki, e na kairira bwa ti na uataboa te mwakuri ae tuai n toki karaoana!​—Ioa. 4:34, 35.