11 NU GÈ NÒ

Tú Bẹ̀à Sã́ Bùlà Loomá Bel

Róm̀ 12:11

GE KỌ́ MM̀ ŃKPULU BÁ: Siè kpóó ló gbò e bà gé pãané ni tṍ ló tení dú ló gè tú bẹ̀à sã́ bùlà loomá bel.

O lòbèl á tọá ní ló. Tṍó eo gé kpóógá dee ló nyòòmà o lòbèl, palàge bugi togó boo bé e belá dú bíi naa. Palàge nó tení boo naa ní eo é láá lóe mm̀ táàa ló.
Bugi togó boo gbò e bàé pãané ni tṍ ló. Bugi togó boo bé e nu eo é bugi àbèè ge noòmà é dọ bélè nè dõòna gbò naa. Bugi togó boo gbò sĩ́deè eo é lóómá belá naa ní e gbò e bàé pãané ni tṍ ló é palàge mòn bé ea é dọ bélè nè va naa.
Nvèè kói mm̀ o lòbèl. Tú bẹ̀à sã́ bùlà loomá bel. Tú bá ni loomá bel nè ge sẹlẹ sĩ́ ea bọ́ló mm̀ ge zogè bé ea tọ́á ní ló naa.

Palàge ọẹ̀ dẽe kọbé nóo máànà bùlà gbò e bà gé pãané ni tṍ ló tení dú ló gè olòó tú bá ni loomá bel mm̀ tẽ̀ènè sĩ́deè dì belí kọọ̀ níà o lóó nu. Bé eo túù bá ni loomá bel naa á gbááá ló o lòbèl. Ló bel mm̀ bẹ̀à sã́ bùlà áá tṍó eo gé nóòmà gá ea dú bíi nè tṍó eo gé síè kpóó ló gbò e bà gé pãané ni tṍ ló kọ bàá tú nu e bà dã́ labmá láb. Ó gá ọọvẹ ló gbò e bà gé pãané ni tṍ ló tení dú ló gè tú bá kpóó loomá bel lọl dààmà togó tẹlẹ kùbmà.