Ié Lé Nyíe

Nú E Jízòs Beè Naa

VÍDIÒ: Jíízọ̀s Bó Neǹ Gímá Dẽe

1. Ẹ̀b VÍDIÒÍ, àbèè ò bugi Jọ́ọ̀n 9:​1-7. Vaá ò gbóó aalai gbò bíbví:

1. Éé ní e Jíízọ̀s beè zẹ́ẹ́ naaé​—ge zẹ́ẹ́ bó neǹ gímá dẽeá, sẹ̀ ge kọ́ kpẹ̀a nèe ẽ́?​—Ẹ̀b Jọ́ọ̀n 9:​35-38.

2. Éé ní ea náa èé láá kọọ̀ bá e Jíízọ̀s bãama ló gbálàa náa kọ á palàge di kpènà ló gè dã́ lé kpẹ̀a áẹ́?

Éé Ní E Nóò Lọl Ló Jíízọ̀s e?

2. Àé palàge tàn nen gè pãane tṍ ló lé kpẹ̀aí be à mon kọ è bulà nú ea kilìèé ló.

Nó Jíízọ̀s

3. Ié tóè sàn kìlmàé ló. Pììgà ge dã́ ból ló bé e nu tọ́aẹ́ ló naa.

1. Bĩiná o bá kọọ̀: ‘Éé ní ea gé láá tãagẽ́e ẽ́? Éé ní e be m̀ náa àé láá nvèè bá nèe vaá leemáe ẽ́?’ Ge bugi togó naa vó é nveè bá nè ni kọ ó naa gbò nú ea é zógè kọ ò íè lé nyíe.

2. Zogè kọ ò bulàẹ̀ nú ea kil ló nen tení dú ló gè pãanée tṍ ló. Be à kọ́ nèni bé e nu tọ́aẹ́ ló naa àbèè tã̀àgã̀ ea gé ténìè bá, ó gá nyaaná togó belá.

4. Ló bel mm̀ sĩ́deè ea zógè kọ ò íè lé nyíe nè fã̀dẽe. À ólò dọa bàlà kẽ mm̀ bel e lóò tṍó e íè tóè sàn vaá di kpènà ló gè nvèè bá nè nen. Ié ọ̀ẹ̀ dẽe ea kil ló bel eo é ló nè bá eo é lóómá, vaá ò ooà aa ló gè ló bel ea é kyẽ́ nen.

5. Nvèè bá. Gbĩ́ gbò nèà deè eo é nveemà bá nè nená. Ge labví láb ea zógè kọ ò íè lé nyíe é láá naa kọ á tàn nen gè zọ̀ ni lọá sọ́l.