ગીતશાસ્ત્ર

૩૮ હે યહોવા, તમે ગુસ્સે ભરાઈને મને ઠપકો આપશો નહિ,

ક્રોધે ભરાઈને મને સજા કરશો નહિ.+

 ૨ તમારાં તીરોએ મને વીંધી નાખ્યો છે,

તમારા હાથે મને મસળી નાખ્યો છે.+

 ૫ મારી મૂર્ખાઈને લીધે

મારા જખમ પાકીને ગંધાઈ ઊઠ્યા છે.

 ૬ હું બહુ દુઃખી છું અને ભારે નિરાશામાં ડૂબી ગયો છું,

આખો દિવસ ઉદાસ થઈને ફર્યા કરું છું.

૧૦ મારા ધબકારા વધી ગયા છે, મારી શક્તિ જતી રહી છે,

મારી આંખોની રોશની ઝાંખી પડી ગઈ છે.+

૧૧ મારી બીમારીને લીધે મિત્રો અને સાથીદારો મને ટાળે છે,

સગાં-વહાલાં મારાથી દૂર ભાગે છે.

જેઓ મારું નુકસાન કરવા ચાહે છે, તેઓ મારા વિનાશની વાતો કરે છે,+

તેઓ આખો દિવસ કાવતરાં ઘડે છે.

૧૩ પણ જાણે બહેરો હોઉં તેમ હું કંઈ નહિ સાંભળું,+

જાણે મૂંગો હોઉં તેમ કંઈ નહિ બોલું.+

૧૪ હું એવા માણસ જેવો બની ગયો છું, જે સાંભળી શકતો નથી,

જેનું મોં પોતાના બચાવમાં કંઈ કહી શકતું નથી.

૧૫ હે યહોવા, મેં તમારી રાહ જોઈ,+

હે મારા ઈશ્વર યહોવા, તમે મને જવાબ આપ્યો.+

૧૬ મેં કહ્યું: “દુશ્મનો મારા પર ખુશી ન મનાવે,

અથવા જો મારો પગ લપસે, તો તેઓ ઘમંડથી ફુલાઈ ન જાય.”

૧૭ હું ઢળી પડવાની તૈયારીમાં હતો,

પીડાને લીધે સતત કણસતો હતો.+

૧૮ હું મારા પાપને લીધે બેચેન હતો+

અને મેં મારા અપરાધની કબૂલાત કરી.+

૧૯ પણ મારા વેરીઓ જંપતા નથી અને તેઓ બળવાન છે,*

કારણ વગર મને નફરત કરનારાઓનો રાફડો ફાટી નીકળ્યો છે.

૨૨ હે યહોવા, મારો ઉદ્ધાર કરનાર,+

મને મદદ કરવા દોડી આવો.