ઘણા નિર્દોષ લોકોનું જીવન છીનવાઈ ગયું!

નાની નોયેલ બધાની લાડલી હતી. તેને ચિત્ર દોરવું બહુ ગમતું. ઉનાળાની એક સાંજે તે ઘરની પાછળના ભાગમાં રમતી હતી. અચાનક તે ઘરના સ્વીમીંગ પુલમાં ગબડી પડી અને ડૂબી ગઈ. તેના ચોથા જન્મ દિવસને બે અઠવાડિયા જ બાકી હતા.

ડિસેમ્બર ૧૪, ૧૯૧૨ના કનેક્ટિકટ શહેરના એક સ્કૂલમાં થયેલા ગોળીબારના લીધે ૨૦ બાળકો સહિત ૨૬ના મોત થયા હતા. તેઓમાં ૬-૭ વર્ષના ૨૦ બાળકોમાંના અમુક છે: શારલટ, દાનિયેલ, ઓલીવાયા અને જોસફિન. તેઓની પ્રાર્થના સભામાં પ્રમુખ ઓબામાએ બાળકોના નામ લીધા અને શોક પાળતા લોકોને આમ કહ્યું: “આ પ્રકારની ક્રૂર ઘટનાઓનો અંત આવવો જ જોઈએ.”

અઢાર વર્ષની બાનૉ ૧૯૯૬માં કુટુંબ સાથે ઇરાક છોડીને નૉર્વેમાં રહેવા ગઈ. તેના મિત્રો લાડથી તેને સન રેઝ કહેતા. જુલાઈ ૨૨, ૨૦૧૧ના ગોળીબારમાં ૭૭ લોકો માર્યા ગયા. દુઃખની વાત છે કે એમાં બાનૉ પણ હતી. ગોળીબાર કરનારે બડાઈ હાંકતા કહ્યું: “હું વધારે લોકોને મારી ન શક્યો એનું મને દુઃખ છે.”