Aluwataaushikana

Wanaa sümaa nüntüin chi Naaʼinkai Maleiwa

2 Sükaʼiyoʼu tü miʼiraakat kanüliakat “Pentecostés”, eejana jutkatüin suluʼu waneesia miichi napüshuaʼa na anoujashiikana. 2 Shiasaʼa, süntalaʼa sümakalaka sirumaluʼujee wane kasa koʼlotüinsü maʼi, müsü aka saaʼin sujuttüin jouktai eekai katsüin maʼi. Emetutsü maʼi suluʼupünaa tü miichikat eejanale naya jutkatüin. 3 Neʼrakalaka wane kasairua müsü aka saaʼin suwarala siki suluʼu shiyeekuaippayaain shia wayuu. Aʼwalakajaayaa müsü tüüirua sünain suʼnnuwaayaa sümüin naaʼu nayakana waneʼewai nakua. 4 Nüntakalaka chi Naaʼinkai Maleiwa suluʼumüin naaʼinrua waneʼewai nakua sünain katsüinshantain maʼi nia naaʼuirua napüshuaʼaleʼeya. Aashajaashiijeseʼe naya süka pütchiirua naatajatü nnojotkat nanüiküin, tü eekaleje süpüla naashajaain nütüma chi Naaʼinkai Maleiwa.

5 Je soʼu tia kaʼikalüirua, eejatü wayuuirua judío chaʼaya Jerusalén suluʼujeejatü tü mmakat süpüshuaʼa, soʼukualuʼu atümachii tü akuaippaa nooʼulakakat napüshuaʼa na judíokana nümüin chi Maleiwakai. 6 Nayasaʼa na wayuukana, noutkajaakalaka sütüma naapüin tü koʼlotüinkat. Maatshii jalapaʼakai naaʼin sütüma tü alatakat, süka naapüin sünain naashajaain na anoujashiikana süka süpüshuaʼa tü pütchi naashajaakat aka waneʼewai nakua. 7 Ainkuusü maʼi naaʼinrua otta ponusü maʼi naaʼin shia shiiʼiree natüjaweein saaʼu tü alatakat. Majirawaʼain müshii joo naya:

—¿Nnojoishiiche wayuuin Galileajeʼewalii napüshuaʼa na yootokana? 8 Jamakalaka waapakalaka sünain naashajaain süka tü pütchi waashajaakat aka waneʼewai wakua? 9 Anuʼuya wayuu suluʼujeejatü tü mmakat Partia, suluʼujeejatü tü mmakat Media, suluʼujeejatü tü mmakat Elam, suluʼujeejatü tü mmakat Mesopotamia, suluʼujeejatü tü mmakat Judea, suluʼujeejatü tü mmakat Capadocia, suluʼujeejatü tü mmakat Ponto, suluʼujeejatü tü mmakat Asia. 10 Otta anuʼuya wayuu suluʼujeejatü tü mmakat Frigia, suluʼujeejatü tü mmakat Panfilia, suluʼujeejatü tü mmakat Egipto. Anuʼuya wayuu süʼütpünaajeejatü tü pueulokat Cirene chaʼaya suluʼu tü mmakat Libia. Anuʼuya wayuu eekai süntüsüin suluʼujee tü pueulokat Roma, 11 eekai kashishiin otta keishiin wayuu judío otta eekai nekerotshiin paala sünainmüin tü akuaippaa ooʼulakünakat nümüin Maleiwakai natüma na judíokana. Otta anuʼuya wayuu eekai süntüsüin suluʼujee tü mmakat Creta otta suluʼujeejatüin tü mmakat Arabia. Wapüshuaʼaleʼeya wayakana yaakana, waapüin sünain naashajaain süka wanüikü waneʼewai wakua süchikü tü kasa anashantasü naaʼinrakat Maleiwakai nütüjakat apüleerua niakai nümüiwa.

12 Ainkuujusü maʼi naaʼinrua napüshuaʼa sütüma sünain müin aka jalapaʼakai naaʼinrua. Asakiijirawaʼain müshii joo naya:

—¿Jamaluʼutkai süpüshuaʼa tüü?

13 Nayasaʼa wane noʼuluku, namakalaka suluʼu nemeʼerain:

—Eperuwaajüsü neʼeiruan.

Wanaa sümaa naashajaain Pedro sümüin tü wattakat saalin wayuu

14 Niasaʼa Pedro namaa na naʼatakana, na Aluwataaushi polookana waneemüin, nashaʼwaajaakalaka pasanainmüin nanain na jutkatshiikana. Je aashajaashi nia wane pütchi namüin sünain emetulüin nünüikü: “Wayuuinnuaa judíoo, jipiajanakana yaʼaya Jerusalén otta jiakana antüshiikana, jiirakaa, kacheʼeja jia. Tapansaajüin paala jümüin wane kasa: 15 Wayuukana naainnua, nnojoliishii eperuwaashiin maa aka tü jiʼitaakat naaʼu. Anaakalaka waya shiinaluʼujeeyülin kaʼikat, nnojotsü jaralüin eperajüin yaa woumainruʼu maaʼutpünaa kaʼi yaa. 16 Tü alatakat yaa, tü anuu jiʼrüin jooluʼu, shia ekeraajaka tü nüküjakat achikü Joel paala nümaiwa, chi nünüikimaajachikai Maleiwa, wanaa sümaa nümüin suluʼu tü karaloukta nüchikimaajatkat Maleiwa:

17 ‘Sülüʼülaapeena tü kaʼi tajaʼttirüinjatkat oʼu tü mmakat’, müshi Maleiwakai,

18 Mataajaʼa, soʼu kaʼikat tiaʼyaa, na tachepchiakana, tooloyuu otta jieyuu,

19 1:19-20 Süpülapünaa süntüin tü kaʼi süsalainjatkat oʼu wayuu saainjala tatüma,

21 Aluʼusa chi eekai nüchuntüin akaalinjünaa tamüin, toʼtteʼereechi’.

22 “Waʼlemüinyuwaa, jiakana nuuʼuliwoʼukana Israel, jaapaja tü pütchi tamüinjatkat jümüin jooluʼu: Maa aka jütüjaain naaʼu Jesús chi Nazaretjeʼewaikai, nia wane wayuu naaʼinrakai anainjee Maleiwakai watta saalin kasa jiʼrakat, tü kasa nütüjakat apüleerua Maleiwa nümüiwa otta tü kasa niiʼiyatakat aka nüpülain. Sünainjee tia, niiʼiyatüin Maleiwakai sünain niain nünainjeejachin. 23 Wayuukai chii, aapünüsü nikii jümüin suluʼu tü akuaippaa niʼitaatüjütkat Maleiwa nüpüleerua. ‘Müinjateerü tü aaʼinnakat nüka’, nümatüjülia paala nüchikü. Suluʼu tü nikeraajatüjütkat Maleiwa sünain nükuaippainjatüin Jesús, kojuya juʼuluku sütaʼülüin nia otta suʼutirüin naaʼin wayuu kaainjarannuu sünain sükacherirüin nia sünain wane kuruusa. 24 Je Maleiwakai, nüsoʼireʼera aaʼinchi nia. Mayaainjeʼe müliain Jesús süpüla ouktaa, süchikijee tia, Maleiwakai niyuʼlüin nia saʼakajee. Nnojoishi ayatüin ouktüin nia süka pülashin chi Maleiwakai suulialeʼeya tü ouktaakat. 25 Müsüʼüsa nünüikü David nooʼopünaa Jesús:

26 Müsüjaseʼe talatashantain taaʼin.

Nnojoleechi taya mmolüin seema tü ouktaakat

27 süka nnojolin puuʼulaweechin taya saʼaka tü ouktüsükalüirua

je nnojoleerüin puuʼulaain ittüin teʼiruku tayakai chi püchepchiakai, chi Maainjalasaikai.

28 Piiʼiyatüin tamüin tü paaʼinrakat taka süpüla eeinjachin taya waneepia pümaa.

Otta sünain eein pia tamaa, talatüsü maʼi taaʼin pütüma’.

29 “Waʼlemüinyuwaa, jiakana judíokana wanaa tamaa, tamüsü paala jümüin wane kasa nnojotkat juʼtchejaain amaa: Chi watuushikai David, ouktüshi otta ojoitünüshi nia je tü niipüsekat, anuuyülia maaʼulu yaa waʼaka. 30 Nnojoishi aashajaashin David nüchikijiraa neʼe wanaa sümaa nümüin tüü. Nütüjaatüjülia aaʼu süka nüküjüin achikü Maleiwakai nümüin süka wane nünüikü pansaasü sünain niʼitaainjachin wane suʼuluku tü nuuʼuliwoʼukat süpüla aluwatawaa maa aka nuluwataain paala niakai. Sünain nünüikimaajachin Maleiwakai, 31 aashajaashi süchikü tü niiʼiyatakat Maleiwa nümüin, sünain nüsoʼireʼennajachin aaʼin nütüma Maleiwakai chi Nüneekajalakai süpüla aluwatawaa, chi kanüliakai Cristoin. Sünain naashajaain nüchikü Cristo, müshi nia: ‘Nnojoleechi puuʼulaain nia saʼaka tü ouktüsükalüirua otta nnojoleerü puuʼulaain ittüin tü niʼirukukat’.

32 “Shia jütüjaweeka aaʼu tatüma sünain niain osoʼireʼennüin aaʼin nütüma Maleiwakai chi Jesús taashajaakai achikü jümüin. Wayakana wapüshuaʼa waküjain jümüin tüü sünain shiimain süka weʼrüin nia katüin noʼu süchikijee ouktaa. 33 Je jooluʼu, niyalereʼerüin nia Maleiwakai iipünaamüin süpüla aluwatawaa chaa nikialuʼujee. Aapünüshi chi Naaʼinkai Maleiwa nümüin Jesús nütüma. Je yalejee, Jesús, nüjütüin nia süpüla ekeroloo suluʼumüin waaʼin waneʼewai wakua, maa aka nüküjain Maleiwakai nüchikü paala süka wane pütchi pansaasü sünain nüjütünüinjachin. Shia tü kasa jiʼrakat jooluʼu otta jaapüin. 34 Atüjaana aaʼu sünain nnojolin niain David ayalereʼennüin nütüma Maleiwakai sirumaluʼumüin. Eesüsaʼa wane nünüikü David nooʼopünaa chi naashajaakai achikü:

‘Chi Maleiwakai müshi nümüin chi Tasenyotsekai:

“Kojutshaatashi pia tatüma. Püikkalaa puluwataaiwa tekialuʼujee.

35 Soʼu wane kaʼi, tayamüleerü tü püʼünüükalüirua süpüla malainjatüin shiairua püpüla.”’

36 “Jooluʼu, jüpüshuaʼa jiakana nuuʼuliwoʼukana Israel, pansaa sümata jikiiruʼu tüü: Jesúskai chii, suʼutitkai aaʼin kojuya juʼuluku sünain sükacherirüin nia sünain wane kuruusa, niʼitaain nia Maleiwakai süpüla Wasenyotsee otta niiʼiyatüin wamüin sünain niain chi Nüneekajalakai”, nümakalaka Pedro namüin.

37 Shiasaʼa naapapa süpüshuaʼa tü nümakat Pedro, na wayuu eejanakana jutkatüin, amojulaasü maʼi naaʼin sütüma. Nasakitkalaka nia otta na waneeinnua Aluwataaushikana, müshii namüin:

—Waʼlemüinyuwaa, ¿kasa anaka süpüla waaʼinrüinjatüin jooluʼu?

38 Nüsouktakalaka Pedro neʼipajee:

—Jiyaawajaa jümata suulia jaainjala otta juwoutisaajira jümata waneʼewai jukua sünain süchuntünüin nünülia Jesucristo jaaʼu shiyaawase jünoujainapain nünain. Je chi Maleiwakai, moteerü naaʼin jaainjala otta nüjüteechikalaka chi Naaʼinkai süpüla ekeroloo suluʼumüin jaaʼin. 39 Tü nüküjain paala nüchikü chi Naaʼinkai süka wane nünüikü pansaasü, jüpülajatü jiakana otta na juuʼuliwoʼukana otta napüshuaʼa na wayuu suluʼukana mmakat chaʼaya wattapünaa, na eekai nüneeküinjaneenain chi Maleiwakai.

40 Je Pedro, wainma nünüikü namüin shiiʼiree naapaweein nümüin tü nümakat namüin. Müshi joo nia namüin:

—Jiyuʼlaa suulia tü akuaippaa nooʼulakakat na wayuu kaainjaraliikana, suulia süsalajüin jia wanaa namaa.

41 Je na eekai naapaain tü nüküjalakat Pedro, woutiisashii. Je noʼu kaʼikai chia, ekerotsü nooʼomüin na anoujashiikana maa aka 3.000 wayuu. 42 Je mapa napüshuaʼaleʼeya, ayatshii naya waneepia sünain nooʼulaküin tü akuaippaa neʼikakat anain naya na Aluwataaushikana. Ayatshii naya sünain tü aleewajirawaakat. Ayatshii naya sünain tü aashajawaakat nümaa chi Maleiwakai otta ayatshii naya sünain tü okolochojowaakat süpüla jutkataa sünain ekawaa. Sünain kolotüin naya sünain ekawaa, nekiraʼawalin tü pan sotüinjachikat akajee naaʼin chi Senyotkai.

Nakuaippa na anoujashiikana soʼu kaʼikat tia

43 Nayasaʼa napüshuaʼa na wayuu eʼrakana tü naaʼinrakat na Aluwataaushikana, oponojooshii sümaa, tü kasa nütüjakat apüleerua Maleiwa nümüiwa otta tü kasa niiʼiyatakat aka nüpülain. 44 Otta napüshuaʼaleʼeya na anoujashiikana, kolotiraashii maʼi naya sünain napaajiraʼawalin naka tü kasa eekat namaʼana. 45 Kasale choʼujaain namüin na wane noʼuluku, na eekana amaʼana noikküin noumain otta nakorolo süpüla napaajüin tü süliakat naka waneʼewai nakua na choʼujaakana amüin. 46 Meinshi outkajaʼawaishii naya suluʼu tü aʼwaajüleekat Maleiwa. Otta nepialuʼuwai, wanaa sümaa nakolochojoʼowalin sünain ekawaa, nekiraʼawalinya tü pankat sotojachikat akajee chi Senyotkai naaʼin. Otta talatüshii naya je joʼuujiraasü naaʼin namüinjiraa. 47 Aʼwaajawaishii naya Maleiwakai waneepia otta kojutshii naya sütüma tü wayuukalüirua süpüshuaʼa. Je Maleiwakai nikerotirawalüin nanainmüin tü wayuu nuʼtteʼerawaikat kaʼiwai.