¿Kateetche noʼu nachikuaʼa na wayuu outakana?

TÜ SÜMAKAT TÜ BIBLIAKAT

«Shia taʼatapajaka nasoʼireʼennüin aaʼin süchikijee outaa» (Aluwataaushikana [Hechos] 24:15, Traducción del Nuevo Mundo).

¿JAMÜSÜ ANEETKA WAKUWAʼIPA WATÜJAALE SAAʼU TIA?

Outule wanee wapüshi, sümülialeerü waaʼin tia pütchikat (2 Corinto 1:3, 4).

Nnojoleena waya mmoluin maʼin seema outaa (Hebreokana 2:15).

Waʼatapajeena weʼrüinjanain nachikuaʼa na wapüshi outuinnapakana (Juan 5:28, 29).

¿JAMÜSHII WANOUJÜINJANAKA SÜNAIN TÜ SÜMAKAT TÜ BIBLIAKAT?

Eesü apünüinsü kasa wanoujainjatka atuma tia:

• Nia Maleiwa aapaka kataa oʼuu sümüin wayuu. «Nia [Jehová] kataka atuma soʼu wayuu» (Aluwataaushikana 17:24, 25, Traducción del Nuevo Mundo; Salmo 36:9). Nnojotsü kapüleein nümüin nüsoʼireʼerüin naaʼin na outushiikana süka niain aapüin kataa oʼuu sümüin tü kasa chakat iipünaa sümaa tü kasa yaakat saaʼu tü mmakat.

• Asoʼireʼennüsü saaʼin waneirua wayuu nutuma Maleiwa. Mekiisatshii wayuu asoʼireʼennaka aaʼin saashin tü Bibliakat, eejana tooloyuu, jieyuu, tepichi otta laülaayuu. Eeshii eekai nasoʼireʼennamaatüin aaʼin süchikijee outaa. Akaisaʼa eejachin wanee wayuu asoʼireʼennaka aaʼin pienchi kaʼi süchikijee outuin nia (Juan 11:39-44).

• Keeʼireesü maʼin naaʼin Maleiwa nüsoʼireʼerüin naaʼin na outushiikana. Nnojotsü anain nümüin Jehová outuin wayuu. Müsü aka saaʼin wanee nüʼünüü tü outaakat (1 Corinto 15:26, Traducción del Nuevo Mundo). Najaʼlajeʼereein Maleiwa tü outaakat. Makalaka nüsoʼireʼerüinjatüin naaʼin na outushiikana. Keeʼireesü naaʼin Maleiwa katüinjatüin noʼu nachikuaʼa yaa Mmapaʼa na wayuu nüchekakana süpüla nasoʼiraain aaʼin (Job 14:14, 15).