Eñembokatupyryvékena: eanotákena umi mbaʼe tekotevẽva retopa jave peteĩ oñeinteresávare

Ñandejára espíritu rupive apóstol Pablo heʼi vaʼekue: “Akóintekena eñatende ndejehe ha remboʼe lájare” (1 Tim. 4:16). Ko konsého omeʼẽ vaʼekue apóstol Pablo Timotéope, ohechauka porã enterove ñañehaʼã vaʼerãha ñandekatupyryve ñamboʼe hag̃ua ñande rapichakuérape Ñandejára Ñeʼẽ, tahaʼe ramónte oiko ñandehegui puvlikadór térã ojapóma heta áño. Upévare, Ñane Marandu Porãme osẽta jepi peteĩ artíkulo hérava: “Eñembokatupyryvékena”. Ko artíkulope oñehesaʼỹijóta jepi peteĩ mbaʼe tekotevẽva jajapo, ikatu hag̃uáicha ñandekatupyryve ñamog̃uahẽ hag̃ua pe marandu porã ñande rapichakuérape. Oñemokyreʼỹ opavavépe oñehaʼã hag̃ua ojapo un mes aja umi suherénsia osẽtava jepi ko pártepe, ¿mbaʼérepa? Ohasa rire un mes, pe rreunión de servísiope ñamombeʼúta umi experiénsia ha opa mbaʼe porã jahupyty vaʼekue jajapo rupi umi konsého osẽva pe artíkulope. Koʼág̃a jahecháta mbaʼérepa iñimportánte ñaanota umi mbaʼe tekotevẽva jatopa jave peteĩ oñeinteresávare.

Mbaʼérepa iñimportánte. Ñande ningo ndahaʼéi japredikánte vaʼerã. Jesús oipota vaʼekue avei ñamboʼe ñande rapichakuérape Ñandejára Ñeʼẽ, upéicha rupi javisita jey térã jarrega vaʼerã umi semílla ñañotỹ vaʼekue (Mat. 28:19, 20; 1 Cor. 3:6-9). Péro jajapo hag̃ua upéva jatopa jey vaʼerã umi héntere ha ñakontinua ñañeʼẽ hendivekuéra umi mbaʼe ñañemongeta vaʼekuére ñepyrũrã. Upévare iñimportanteterei ñaanota umi mbaʼe tekotevẽva jatopa jave peteĩ oñeinteresávare.