Oñepytyvõ hína umi kuña oñemaltratávape
“KO MÚNDO tuichakuére hetaiterei kuñáre ojeavusa térã oñemaltrata chupekuéra, tahaʼe haʼéva la ijeda. ¿Oikópa nderehe avei upéva? Ehechamína mbaʼépa Ñandejára opensa nderehe ha mbaʼépa ojapóta anivéma hag̃ua oĩ ndetrata vaíva ndéve ni avavépe”.
Péicha oñepyrũ peteĩ artíkulo oĩva jw.org-pe. Upe artíkulo héra “¿Mbaʼéichapa ojetrata vaʼerã kuñanguérape? ¿Mbaʼépa heʼi la Biblia?”. Pe artíkulo opakuévo oreko peteĩ enláse remboguejy hag̃ua en PDF, ha upéi ikatu reimprimi ha redovla mbytépe. Peteĩ ermána oikóva Estados Unídospe hérava Stacy omombeʼu mbaʼépa ojapo: “Aimprimi unos kuánto upe artíkulo, ha ótra ermánandi rogueraha peteĩ rrefúhio oñeñangarekohápe umi kuñáre oĩva ore kongregasión territóriope”.
Peteĩ ombaʼapóva upe rrefúhiope ojerure hetave kópia orreparti hag̃ua umi kuña oikóvape upépe. Upéicha rupi ojerreparti 40 kópia upe artíkulogui ha 30 tarhéta de kontákto jw.org. Peteĩ jey pe oñenkargáva upe rrefúhiore heʼi oipotaha ojehechauka umi kuñanguérape mbaʼéichapa ojejapo peteĩ kúrso bíblico.
Stacy ha mokõi ermána oho avei ótro rrefúhiope. Upépe ojerresivi porãiterei avei chupekuéra, ontrega hikuái 5 kópia ha ojejerureve voi chupekuéra. Peteĩva umi empleáda heʼi: “Ko folléto oipytyvõta umi kuñanguérape oĩva ko ore rrefúhiope. Legálmente ideprovechoitereíta ápe”. Ótra visítape oñembyaty unos kuánto kuña oĩva upe rrefúhiope ohecha hag̃ua hikuái mbaʼéichapa ojejapo peteĩ kúrso bíblico. Ha ijapyteguikuéra mokõi kuña heʼi ohoseha pe Salón del Réinope upe fin de semánape.
Stacy heʼi: “Rohecharamoiterei mbaʼeichaitépa la hénte omombaʼe ko artíkulo ideprovechoitéva. Oñeimprimi ha ojedovlávo oiko chugui peteĩ informasión ideprovechoitereíva oñemog̃uahẽ hag̃ua pe notísia porã umi kuñanguéra mimi oñemaltrata vaʼekuépe. Opokoiterei orerehe rohechávo mbaʼeichaitépa ojerresivi porã pe informasión. Ha orepyʼa rory ropensávo mbaʼéichapa Jehová osegíta ovendesi hína pe esfuérso rojapóva rogueraha hag̃ua umi notísia porã koʼã kuñanguérape”.