Mbaʼéichapa ikatu ñaikuaveʼẽ ñande rrevistakuéra

Ñemañaha 15 de enero

“Oĩ heta ñande rapicha oikuaaséva mávapa umi ánhel. Ndépa reñeporandúmava upéva avei, ha mbaʼérepa umi ánhel iñimportánte ñande rekovépe? [Ehaʼarõ tokontesta. Upéi elee Salmo 34:7.] Ko rrevísta ohechauka mbaʼépa heʼi la Biblia ojapohahína umi ánhel, mbaʼépa ojapovaʼekue hikuái yma ha mbaʼépa ojapóta gueteri hikuái.”

¡Despertad! eneropegua

“Koʼág̃a ikatu jatopa opaichagua marandu ha heta hendápe. Vaichápa ndéve ikatuha jajeroviapa umi marandúre? [Ehaʼarõ tokontesta. Upéi elee 2 Timoteo 3:16.] Ko rrevísta ¡Despertad! ohechauka mbaʼérepa ikatu jaʼe la Bíbliape oĩha umi marandu iporãvéva.” Eiporu pe artíkulo osẽva páhina 18-pe.

Ñemañaha 1 de febrero

“Ñaikotevẽ katuete pe virúre jaiko hag̃ua, ajépa? Péro vaichápa ndéve tekotevẽha ñañeñangareko koʼã pelígro koʼápe ojehechaukávagui? [Elee 1 Timoteo 6:10, ha ehaʼarõ tokontesta.] Ko rrevísta La Atalaya ñanepytyvõ jahecha hag̃ua umi pelígro ikatúva ogueru pe viru, ha ohechauka mbaʼéichapa ikatu ñañeñangareko.”

¡Despertad! febreropegua

“Sapyʼánte jaikuaase mbaʼépa ikatu jajapo ñaipytyvõ hag̃ua peteĩ ñane hénte térã ñane amígo ijedávape, ajépa? [Ehaʼarõ tokontesta.] Ko rrevísta heʼi ñandéve mbaʼe mbaʼépa ikatu jajapo hesekuéra ombohovaikuaave hag̃ua umi provléma og̃uahẽva chupekuéra. Ohechauka avei mbaʼéichapa oñekumplíta ko profesía.” Elee Job 33:25.