Mbaʼéichapa ñaikuaveʼẽta ñande rrevísta

Ñemañaha 1 de enero

“Pyʼỹinte ningo ñahendu mbaʼéichapa heta ména oapoʼi ha omaltrata hembirekópe. Mbaʼérepa nde ere ojapoha hikuái upéicha? [Ehaʼarõ tokontesta.] Ñandejára Ñeʼẽ omombeʼu mbaʼéichapa ména otratavaʼerã hembirekópe. Tahechaukamína ndéve upéva [elee 1 Pedro 3:7]. Ko rrevístape, la Biblia rupive oñemombeʼu mbaʼéichapa Ñandejára ha Jesucristo ohecha kuñanguérape.”

¡Despertad! Enero

“Heta omendáva ningo ndoikoporãi oñondive. Ndépa mbaʼe ere, hasýnepa jajuhu hag̃ua konsého iporãva ha oipytyvõtava umi omendávape? [Ehaʼarõ tokontesta.] Emañamína mbaʼe konséhopa omeʼẽ la Biblia [elee Efesios 5:​22, 23]. Ko rrevístape oñemyesakã porã hína mbaʼéicha javépa umi kuñakarai iñeʼẽrenduvaʼerã iménape.” Ehechauka oĩva páhina 28-pe.

Ñemañaha 1 de febrero

“Opavave ningo ñane provléma heta, ndépa ere upéicharõ jepe ikatuha ñandepyʼaguapy? [Ehaʼarõ tokontesta.] Hetápe oipytyvõ umi mbaʼe porã omombeʼúva la Biblia ñaneraʼarõha [elee peteĩ téysto páhina 8 ha 9-pe oĩvagui]. Moõguipa jaju, maʼerãpa jaikove, ha mbaʼépa ñaneraʼarõ. La Biblia ningo ombohovái koʼã mbaʼe, ojehechaukaháicha ko rrevístape.”

¡Despertad! Febrero

“Heta tapicha ningo okyhyjeháre oiko hetaiterei rupi umi mbaʼe vai apoha. Ndépa mbaʼe repensa, ikatúnepa og̃uahẽ peteĩ ára opataha umi mbaʼe? [Ehaʼarõ tokontesta.] Tahechaukamína ndéve la Biblia heʼíva oikotaha [elee Salmo 37:10]. Ko rrevístape oñemyesakã mbaʼérepa hetaite oĩ mbaʼe vai apoha ha omombeʼu avei mbaʼéichapa la Biblia heʼi ojepeʼapataha koʼã mbaʼe.”