Mbaʼéichapa ikatu ñaikuaveʼẽ ñande rrevísta

Ñemañaha Febrero

“Moõpa nde ere umi omendáva ikatuha ojuhu konsého iporãva? [Ehaʼarõ tokontesta.] Ahechaukasemi ndéve koʼápe mávapa omoñepyrũvaʼekue pe ñemenda [elee Génesis 2:22]. Ñandejára omyesakã porã avei ñandéve mbaʼéicha vaʼerãpa ména ha tembireko. Ko rrevístape oñemombeʼu upéva.”

¡Despertad! Febrero

“[Relee rire 1 Juan 5:19 eporandu.] Ndépa ere kóva rupi oikohahína hetaite mbaʼe vai ko múndope? [Ehaʼarõ tokontesta.] Ko rrevístape oñemombeʼu mávapa hína pe ‘aña’ ha mbaʼéichapa ñande ikatu jajei ipoguýgui.” Ehechauka oĩva páhina 12-pe

Ñemañaha Marzo

“Heta oĩ heʼíva mbeguekatúpe yvyporakuéra ohundiha ohóvo ko Yvy. Ndepyʼapýpa upéva? [Ehaʼarõ tokontesta.] Ahechaukasemi ndéve peteĩ promésa porã oĩva koʼápe [elee Revelación 11:18]. Ko rrevísta omombeʼu mbaʼérepa ko Yvy ndaijojahái. Ohechauka avei mbaʼépa heʼi la Biblia ohaʼarõha ko Yvýpe.”

¡Despertad! Marzo

“Mbaʼeichagua provlémapa nde ere ombohovaivaʼerãha koʼág̃a rupi umi mitãrusu ha mitãkuñakuéra? [Ehaʼarõ tokontesta.] La Biblia omombeʼu hasyha chupekuéra otopa hag̃ua iñamigorã heko porãva [elee Proverbios 13:20]. Ko rrevístape oñehesaʼỹijo mbaʼérepa ipeligróso jaiporu Internet jaheka hag̃ua ñane amigorã, ha mbaʼéichapa ñañangarekokuaa umi mitãrusu ha mitãkuñáre.”