Mbaʼéichapa ikatu ñaikuaveʼẽ ñande rrevistakuéra

Ñemañaha 15 de febrero

“Nde ikatúramo reiporavo peteĩ kuimbaʼe ogoverna hag̃ua ko múndo, mávapepa reiporavóne? [Ehaʼarõ tokontesta.] Ko rrevísta La Atalaya ohechauka mbaʼe mbaʼépa ikatúta ojapo pe Mesías, pe Ñandejára oiporavovaʼekue oisãmbyhy hag̃ua ko Yvy. Omombeʼu avei mbaʼépa igoviérno ojapóta yvyporakuérare.” Elee Isaías 9:6, 7.

¡Despertad! febreropegua

“Oĩ heta mbaʼe oñemombaʼeguasúva opárupi. Péro ehechamína mbaʼépa Jesús heʼi Itúvare. [Elee Juan 17:3.] Ha oĩramo peteĩnte pe Ñandejára añetéva, mbaʼépa ikatu jaʼe umi ótro diós ojeadorávagui? [Ehaʼarõ tokontesta.] Ko artíkulo ohechauka mbaʼépa heʼi la Biblia.” Eiporu pe artíkulo osẽva páhina 28 ha 29-pe.

Ñemañaha 1 de marzo

“Haimete opavave heʼíta jahayhuvaʼerãha ñande rapichápe, Jesús heʼihaguéicha. [Elee Juan 13:34, 35.] Upéicharõ jepe, moõpa ikatu jatopa umi ojapóva Jesucristo omboʼehaguéicha? [Ehaʼarõ tokontesta.] Ko rrevísta ohechauka mbaʼéichapa ikatu jatopa umi kristiáno añeteguáva.”

¡Despertad! marzopegua

“Javyʼa ha jaiko porã hag̃ua oĩmantevaʼerã mborayhu. Upéicharõ jepe heta tapicha ndaikatúi otopa pe mborayhu. Mbaʼérepa nde repensa upeichaha? [Ehaʼarõ tokontesta.] Jajuhuséramo pe mborayhu añeteguáva, jahechaukavaʼerã jahayhuha ñande rapichakuérape. Ko rrevísta ohechauka mbaʼéichapa ikatu upéva jajapo.” Elee 1 Corintios 13:4-7.