Mbaʼépa ojejapovaʼerã Conmemoraciónpe g̃uarã

Ko áñope pe Conmemoración ojejapóta 12 de abril. Umi ansiáno oñatendevaʼerã koʼã mbaʼére oprepara hag̃ua pe rreunión.

◼ Ojeporavo jave mbaʼe órapa ojejapóta pe rreunión, penemanduʼavaʼerã noñembohasaivaʼerãha pe pán ha víno kuarahy oike mboyve.

◼ Opavavépe, pe diskúrso ojapótavape avei, oñemombeʼu porã vaʼerã mbaʼe óra ha moõitépa ojejapóta pe rreunión.

◼ Ojejapo térã ojejoguavaʼerã pe pán ha víno ikatútava ojeporu (Pehecha La Atalaya 15 de febrero 2003, páhina 14 ha 15).

◼ Ojeguerahavaʼerã Salónpe umi pláto, kópa, mesa opyta porãtava ha mantél, ha umíva oñemoĩvaʼerã hendápe voi porã.

◼ Oñemopotĩvaʼerã voi porã pe Salón del Reino, térã pe lugár ojeporútava.

◼ Umi akomodadórpe, ha umi pán ha víno ombohasátavape, oñemboʼevaʼerã voi porã umi mbaʼe ojapótava, ha mbaʼérepa tekotevẽ oñemonde porã hikuái.

◼ Oĩramo ungido hasýva ha ndaikatúiva ou pe rreuniónpe, umi ansiáno ohechavaʼerã ojeservi hag̃ua chupekuéra pe pán ha víno.

◼ Oĩramo mokõi kongregasión oiporútava peteĩ Salón del Reino, ha ojejapótaramo mokõi rreunión, ojeprepara porã vaʼerã ani hag̃ua ojejoʼapa pe ojeikehápe, okápe térã estasionamiéntope.