Mbaʼépa jajapovaʼerã Conmemoracionrã

Umi ansiáno oprepara hag̃ua Conmemoraciónrã, ohechavaʼerã koʼã mbaʼe...

◼ ... pe pán ha pe víno noñembohasaivaʼerã Kuarahy oike mboyve.

◼ ... ojehechamavaʼerã pe pán ha pe víno ojeporútava (pehecha La Atalaya 15 de febrero de 2003, páhina 14 ha 15).

◼ ... voimi reheve oñemoĩmavaʼerã umi pláto, kópa ha mesa mantél reheve.

◼ ... voi oñemopotĩ porã vaʼerã pe Salón del Reino térã pe lugár ojeporútava Conmemoracionrã.

◼ ... umi akomodadórpe ha umi ombohasátavape pe pán ha pe víno, oñemombeʼuvaʼerã voi porã mbaʼépa ojapóta ha mbaʼérepa oñemonde porã vaʼerã hikuái.

◼ ... ojehechavaʼerã mbaʼépa ojejapóta ojeservi hag̃ua umi ungido hasykatúvape pe pán ha pe víno, ndaikatumoʼãiramo oho Conmemoracionhápe.

◼ ... oĩramo mokõi kongregasión oiporútava peteĩ Salón del Reino, ha ojejapótaramo mokõi rreunión, ojeprepara porã vaʼerã ani hag̃ua ojejoʼapa okẽme, okápe térã estasionamiéntope.

◼ ... ojealkiláramo ótro lugár Conmemoracionrã, ojehechavaʼerã oiko porãpa hína umi ekípo ikatu hag̃uáicha opavave ohendu porã pe diskúrso.