Mbaʼépa jahecháta día espesiál de asambléape

Oñemeʼẽgui chupekuéra espíritu sánto, umi kristiáno ypykue oiporupaitevaʼekue opa mbaʼe oguerekomíva ogueraha hag̃ua pe marandu porã ohupytyha peve hikuái (Hech. 1:8; Col. 1:23). Pe día espesiál de asambléa 2007, hérava ‘Jaiporu memékena Ñandejára Ñeʼẽ’, ñanepytyvõta jajapo hag̃ua upéicha avei (Hech. 18:5).

Ñandejára Ñeʼẽ rehe David heʼi: “[Ñandejára Ñeʼẽ] ijeroviaha, omoarandu oikuaaʼỹvape” (Sal. 19:8 [19:7, NM]). Heta oñembaʼapo ojeprepara hag̃ua umi mbaʼe ojehechátava ko día espesiál de asambléa 2007-pe. Ohechaukáta mbaʼéichapa Ñandejára Ñeʼẽ ñanepytyvõ ‘ñamyatyrõ hag̃ua’ heta mbaʼe. Ñanepytyvõta japredika ha ñaporomboʼe hag̃ua kyreʼỹme, jaikuaágui mbykymaha ko tiémpo hembýva (2 Tim. 3:16, 17, BNP). Ojehechaukáta mbaʼéichapa ikatu jajei heta mbaʼe vaígui, ha umi mbaʼe porã jahupytýtava jajapo meméramo Ñandejára Ñeʼẽ heʼíva. Jahecháta avei mbaʼéichapa ikatu jaiporu Ñandejára Ñeʼẽ ñaipytyvõ hag̃ua umi mitãrusu ha umi ipyahúvape oñakarapuʼã hag̃ua Ñandejára servísiope.

Eñehaʼãmbaitékena reime hag̃ua asambleahápe oñepyrũ guive, ha eñatende porã opa mbaʼe ojeʼévare. Ehai umi mbaʼe nepytyvõtava. Ehechauka reagradeseha umi konsého ha marandu oñemeʼẽva ha ejepyʼamongeta hese ehecha hag̃ua mbaʼéichapa ikatu reiporu pe reaprendéva.

Pe ñahendútava ko día espesiálpe ñanepytyvõta ñamombaʼeve hag̃ua Ñandejára Ñeʼẽ. Ñanemomanduʼáta iñimportantetereiha japredika kyreʼỹme ha ñanekaneʼõʼỹre, ha ohechaukáta mbaʼéichapa ikatu ñaipytyvõ ñande rapichápe ojapo hag̃ua upéicha avei. Upévare, ñañehaʼãkena ñaime ñahendupaite hag̃uáicha pe Jehová ñanemboʼétava ko asambléa rupive (Isa. 30:20b, 21).