Peteĩ tembiapo espesiál jajapótava 16 de octubre guive 12 de noviembre peve
1 “Koʼẽrõitéma oñehundíta rrelihión japu!” Upéicha héra Noticias del Reino núm. 37, oñemosarambítava oparupiete. Ñaikuaveʼẽta La Atalaya ha ¡Despertad! 1 de octubre guive 15 peve. Upéi, lunes 16 de octubre guive domingo 12 de noviembre peve enterovete ñambaʼapóta ñamosarambi hag̃ua Noticias del Reino núm. 37. Hiʼare aja ko tembiapo, sábado ha domingokue ñaikuaveʼẽta ko tratádo ñande rrevistakuéra ndive.
2 Mávapa ikatúta omosarambi ko tratádo. Opavavete puvlikadór osẽne katuete. Oĩ avei umi ikatútava ojapo precursorado auxiliar. Oĩpa nde raʼy térã ne estudiantekuéra apytépe oñakãrapuʼã porãva oñepyrũ hag̃uáicha opredika? Emokyreʼỹ chupe oñeʼẽ hag̃ua peteĩ ansiáno ndive, jahecha ikatúmapa oiko chugui puvlikadór. Umi ansiáno oñemongetavaʼerã umi puvlikadór nosẽvéiva ndive predikasiónpe omokyreʼỹ hag̃ua chupekuéra, jahecha nosẽijeýpa opredika. Ikatu omoirũ hikuái umi puvlikadór ikatupyrýmavape.
3 Kongregasionkuérape oñemondóta Noticias del Reino núm. 37 ohupyty hag̃uáicha 50 káda puvlikadór ha prekursórpe. Umi estudiánte ndahaʼéiva gueteri puvlikadórpe ikatu oñemeʼẽ 5 tratádo ikatu hag̃uáicha omeʼẽ ihentekuérape térã iñamigokuérape. Enterove jaikuaavaʼerã mboy tratádopa ñameʼẽ, ha ñamoĩvo ñane infórme octubre ha noviembrepegua, ikupépe ñamoĩvaʼerã mboy tratádopa ñameʼẽ. Pe sekretário omoĩvaʼerã kongregasión infórmepe mboy tratádopa oñemeʼẽ káda més. Opa rire ko tembiapo espesiál, umi tratádo hembýva ikatu ojeporu predikasiónpe opa peve.
4 Mbaʼépa ikatu jaʼe. Mbykymínte reñeʼẽvaʼerã reikuaveʼẽ jave ko tratádo. Upéicharõmante hetave ñamosarambíta. Ikatu jaʼe: “Oñemosarambihína opaite tetã rupi peteĩ marandu iñimportantetereíva ñandéve g̃uarã avei. Upéva oĩ ko kuatiañeʼẽme ha ahejase ndéve rehepymeʼẽʼỹre hese. Eleemíkena ág̃a”. Iporãvéta ndajagueraháiramo ñande kartéra. Jatopáramo peteĩ tapicha oikuaasevéva ñaanotavaʼerã katuete.
5 Mbaʼéichapa ñambaʼapokuaa ñande território. Ñameʼẽrangue kállepe, ikatuhaguéicha ñañehaʼãvaʼerã ñamog̃uahẽ ko tratádo ogaha rupi, ha umi negosioha rupi. Ndajatopáiramo óga járape ikatu ñaanota jaha jey hag̃ua. Lunes 6 de noviembre guive ikatúma jaheja peteĩ tratádo ndaiporihápe óga jára. Tuichaitereíramo pende território ha ndaikatumoʼãiramo pembaʼapopa, oñepyrũ guive ko tembiapo umi ansiáno ikatu ojerure puvlikadorkuérape oheja hag̃ua peteĩ tratádo ndaiporihápe óga jára.
6 Pyaʼetereíma og̃uahẽ ohóvo pe ára oñehunditahápe ‘Babilonia Guasu’, ha upéva oiko mboyve ñande rapichakuéra osẽvaʼerã ichugui (Rev. 14:8; 18:8). Ehechákena koʼág̃a guivéma mbaʼépa rejapóta resẽ hag̃ua ikatuhaguéicha ojejapo vove ko tembiapo espesiál, oñemomarandu hag̃ua opárupi koʼẽrõitéma oñehunditaha umi rrelihión japu.