Noviémbrepe ñamosarambíta oparupiete pe Marandu Rréino rehegua núm. 38
1. ¿Mbaʼépa oñeporandu jepi heta hénte, ha mbaʼépa jajapóta noviémbrepe ñaipytyvõ hag̃ua chupekuéra?
1 Tahaʼe haʼéva umi mbaʼe jagueroviáva enterovénte ñamano (1 Cor. 15:26). Heta hénte oñeporandu mbaʼépa oiko umi ohayhúva omano vaʼekuégui ha ikatúnepa ohecha jey chupekuéra. Upéicha rupi, ikatu hag̃uáicha ñaipytyvõ umi héntepe oikuaa hag̃ua upéva, ág̃a 1 de noviembre guive oñemosarambíta ko yvy tuichakuére pe Marandu Rréino rehegua núm. 38 hérava: “¿Añetehápepa oikove jeýta umi omanóva?” Ko tembiapo ojejapóta un mes pukukue, upéicharõ jepe ko tratádo opytátama jaiporu hag̃ua predikasiónpe.
2. ¿Mbaʼe mbaʼépa oreko ko tratádo pyahu?
2 Mbaʼépa oreko. Ko tratádo pyahu ojejapo ikatu hag̃uáicha ojedovla ipukukuévo. Pe título oĩva ijapére peteĩ porandu, ha umi hénte ikatu ombohovái péicha: “1) Si, oikove jeýta 2) Nahániri ha 3) Ikatu mbaʼe”. Umi ogajára oavrívo ko tratádo ohecháta mbaʼépa heʼi la Biblia ha mbaʼéichapa upéva ikatu oipytyvõ chupekuéra. Ohechakuaáta avei mbaʼérepa ikatu jaguerovia la Biblia heʼíva. Ijatukupépe katu ojuhúta ótro porandu iñimportánteva ha omokyreʼỹtava chupekuéra oikuaaseve hag̃ua la Biblia omboʼéva.
3. ¿Mbaʼéichapa ñamosarambíta pe tratádo pyahu?
3 Mbaʼéichapa oñemosarambíta. Ko tratádo ñamosarambíta jajapoháicha jepi ñainvita jave umi héntepe aty guasurã ha Conmemoracionrã. Umi ansiáno omombeʼúta mbaʼéichapa oñembaʼapo vaʼerã pe territóriope, upearã ohecháta hikuái pe kárta 1 de abril 2013 oñemondo vaʼekue chupekuéra g̃uarã. Sapyʼánte oĩ kongregasión saʼive iterritóriova, umíva otermina rire imbaʼéva, ikatu oipytyvõ umi kongregasión hiʼag̃uivévape ha orekóva hetave território. Enterove maranduhára orretira vaʼerã umi tratádo oiporútava upe semánapente. Ñambaʼapopa rire ñande territóriope, hembýrõ gueteri ñandéve umi tratádo opa mboyve pe mes de noviembre, jahakuaa jarreparti umi lugár ohasahápe heta hénte. Péro opáramo oñemohuʼã mboyve pe mes, ikatu ñapresenta umi puvlikasión oñekuaveʼẽtava noviémbrepe. Ha primer sábado del mes ñaikuaveʼẽ rangue estúdio vívliko, jarrepartíta umi tratádo. Fin de semanakue katu opyta porãramo ñaikuaveʼẽta avei ñande rrevistakuéra. Koʼág̃a guive jajepreparáma vaʼerã ñambaʼapo kyreʼỹ hag̃ua ko tembiapo iñimportantetévape.