Ñañepyrũta ñaporoinvita 1 de marzo guive Conmemoracionrã
1. ¿Arakaʼépa ñañepyrũta ñaporoinvita Conmemoracionrã, ha mbaʼérepa ko áñope jarekóta hetave tiémpo upearã?
1 Ko áñope Conmemoración ojejapóta 26 de marzo, ha viernes 1 de marzo guive ñañepyrũta ñainvita umi héntepe. Upévare ko áñope jarekóta hetave tiémpo ñaporoinvita hag̃ua, koʼýte oiméramo ñane kongregasión tuicha iterritório.
2. ¿Mbaʼéichapa ojejapóta ko tembiapo pe territóriope, ha moõguipa ojegueraha vaʼerã pe invitasión?
2 Mbaʼéichapa ojejapóta ko tembiapo. Umi ansiáno heʼi vaʼerã mbaʼéichapa ojejapóta ko tembiapo pe territóriope ha ojehejátapa umi invitasión umi óga ndaiporihápe avave. Hembýramo umi invitasión ojehejapa rire ogahárupi, ikatu oñemeʼẽ kállere térã ambue lugár jatopahápe heta hénte. Pe superintendénte de servísio omoĩ vaʼerã pe mostradór ári umi invitasión ikatu hag̃uáicha umi maranduhára ogueraha umi oikotevẽva. Pe invitasión orekóma vaʼerã mbaʼe óra ha moõpa ojejapóta pe Conmemoración. Nomoĩmbái vaʼerã una vetépe voi umi invitasión pe mostradór ári. Umi maranduhára ogueraha vaʼerã pe oiporútavante una semánape.
3. ¿Mbaʼérepa ñanemanduʼa vaʼerã ñaporoinvitávo?
3 Mbaʼéichapa ñaporoinvitáta. Iporãvéta mbykymínte ñañeʼẽ, upéicha ikatúta ñainvita hetave héntepe. Páhina 4-pe jatopáta peteĩ presentasión ikatúva jaiporu ñainvita hag̃ua umi hénte oĩva ñande territóriope. Ha oĩramo peteĩ tapicha ñanderresivi porãva ha ombaʼeporandúva ñandéve, ikatu ñañemongetamie hendive. Fin de semanakue ikatu ñaikuaveʼẽ avei ñande rrevistakuéra opyta porãramo. Pe 2 de marzo ñaporoinvitátante Conmemoracionrã, nañaikuaveʼẽmoʼãi estúdio vívliko.
4. ¿Mbaʼérepa kyreʼỹme ñaporoinvita vaʼerã Conmemoracionrã?
4 Hiʼãite ningo ñandéve heta hénte oho Conmemoracionhápe. Pe diskúrso ojejapótavape oñemyesakãta mbaʼérepa iñimportantete Jesús sakrifísio (1 Cor. 11:26). Jahecháta avei mbaʼépa ikatu jahupyty upe sakrifísio rupive (Rom. 6:23). Ha oñemombeʼúta ñandéve mbaʼérepa iñimportantete akóinte ñanemanduʼa Jesús ojapovaʼekuére (Juan 17:3). Ñaporoinvitákena Conmemoracionrã kyreʼỹ ha vyʼapópe.