Mbaʼéichapa ñanepytyvõvéta umi rreunión ojejapóva ñasẽ mboyve predikasiónpe
1. Mbaʼéichapa ñanepytyvõ umi rreunión ojejapóva ñasẽ mboyve japredika?
1 Umi rreunión ojejapóva ñasẽ mboyve predikasiónpe, ojejapo porãramo, ñanemokyreʼỹ ha ñanemboʼe. Japredikáramo oñondivepa ñañombokatupyry ha ñañomombareteve (Pro. 27:17; Ecl. 4:9, 10). Mbaʼéichapa ikatu ñanepytyvõ porãve koʼã rreunión?
2. Emombeʼu mbaʼe mbaʼérepa ikatu oñeʼẽ pe rreunión omoakãva.
2 Pe omoakãva. Noñemoĩri mbaʼérepa oñeñeʼẽta ko rreuniónpe. Upévare, nde remoakãtaramo, rejeprepara porã vaʼerã. Ikatu reiporu pe téysto káda diagua oñeʼẽramo predikasión rehe. Upeichaʼỹrõ rehechavaʼerã umi mbaʼe oporopytyvõtava predikasiónpe. Ikatu rehesaʼỹijo térã rehechauka voi mbaʼéichapa ikatu japredika ha mbaʼépa ikatu jajapo oĩramo nañanerenduséiva térã ñanembohováiva. Ikatu avei rehesaʼỹijo lívro Razonamiento, Benefíciese térã umi mbaʼe jahechavaʼekue Rreunión de Servísiope. Erekuaa avei mbaʼéichapa ñamokyreʼỹvaʼerã umi ñanerendúvape ostudia hag̃ua la Biblia, koʼýte oĩ jave umi ojapótava rrevisíta. Ejapókena ko rreunión eporomokyreʼỹ hag̃uáicha.
3. Mboy minútopa ikatu ipuku pe rreunión ha mbaʼépa ojekuaamavaʼerã opa mboyve?
3 Oraitépe remoñepyrũvaʼerã upe rreunión reikuaáramo jepe oĩtaha og̃uahẽva uperiréma. Reñatende porã vaʼerã mbaʼéichapa rejapo umi grúpo ha remeʼẽvaʼerã iterritoriorã umi oikotevẽtavape. Ko rreunión ndohasaivaʼerã 10 térã 15 minúto ha ikatu mbykyve ojejapóramo opa rire peteĩ rreunión kongregasionpegua. Opa mboyve ko rreunión opavave oikuaamavaʼerã mávandipa osẽta ha moõpa ojepredikáta. Remohuʼãvaʼerã peteĩ ñemboʼépe.
4. Mbaʼépa jajapovaʼerã ikatu hag̃uáicha ko rreunión oipytyvõ opavavépe?
4 Nde ikatu reipytyvõ. Reñehaʼãvaʼerã reime oñepyrũ mboyve ko rreunión. Upéicha rehechaukáta remombaʼeha Jehovápe ha nde rapichakuérape avei. Repartisipavaʼerã ko rreuniónpe. Pe omoakãva heʼíta ndéve mávandipa resẽta térã ndete voi ikatu ere mávandipa resẽse. Rejapóramo upéicha, neresẽivaʼerã umi ne amígondi añónte, reñehaʼãvaʼerã resẽ ótro ndive avei ikatu hag̃uáicha reikuaa porãve ermanokuérape (2 Cor. 6:11-13). Oñemohuʼã rire upe rreunión nerekambiaveimavaʼerã ne irũ ha rehomavaʼerã repredikatahápe.
5. Maʼerãpa ojejapo umi rreunión oñesẽ mboyve predikasiónpe?
5 Umi ótro rreunióncha avei ko rreunión ojejapo ikatu hag̃uáicha ‘ñañomokyreʼỹ mborayhu ha tembiapo porãme’ (Heb. 10:24, 25, JMP). Ñañehaʼãramo ñaime koʼã rreuniónpe, ñanepytyvõta jajapo hag̃ua ñane rembiapo. Ajépa iporãite upéva!