Umi mbaʼe jaikuaaséva

◼ Mávapa heʼivaʼerã mbaʼe kántikopa ojepurahéita oñepyrũ hag̃ua Eskuéla dél Ministério Teokrátiko, Rreunión de Servísio, Diskúrso Púvliko ha oñehesaʼỹijóta jave Ñemañaha?

Ñane Rembiapo Rréino Rehegua osẽva octúbrepe ogueru pe prográma Eskuéla dél Ministério Teokrátikope g̃uarã. Upépe oñemoĩ mbaʼe kántikopa ojepurahéita oñepyrũ mboyve upe rreunión. Ha Ñane Rembiapo Rréino Rehegua páhina 2-pe oñemoĩ mbaʼe kántikopa ojeporúta oñepyrũvo ha opávo pe Rreunión de Servísio. Upéicha avei Ñemañaha páhina 2-pe oñemoĩ mbaʼe kántikopa ojepurahéita oñehesaʼỹijo hag̃ua. Pe kántiko ojepurahéitava oho pe rreunión reheve, ha upévare pe ermáno omoakãtava upe rreunión heʼivaʼerã mbaʼe kántikopa ojepurahéita, ndahaʼéi pe ermáno omohuʼãva pe ótra rreunión.

Pór ehémplo, pe ermáno omoakãva Eskuéla dél Ministério Teokrátiko omoñepyrũvo pe rreunión omomaiteíta enterovépe ha upéi heʼivaʼerã mbaʼe kántikopa ojepurahéita. Omohuʼã rire pe rreunión, ojerurevaʼerã pe ermáno omoñepyrũtavape Rreunión de Servísio ojupi hag̃ua platafórmape. Upe ermáno heʼivaʼerã mbaʼe kántikopa ojepurahéita oñepyrũ hag̃ua upe rreunión.

Upéicha avei pe Diskúrso Púvliko oñepyrũ hag̃ua, pe ermáno omoakãva omomaiteivaʼerã enterovépe ha upéi heʼi pe kántiko oiporavovaʼekue pe diskursánte ojepurahéi hag̃ua. Upe rreunión omoakãva (térã ambue ermáno) oñemboʼéta oñepyrũ hag̃ua. Upéi heʼivaʼerã mbaʼéichapa héra pe diskúrso ha mávapa ojapóta. Pe diskúrso opa rire oagradesevaʼerã pe informasión oñemeʼẽvaʼekuére ha natekotevẽi heʼi jey mbaʼépa ñanemboʼe upe diskúrso. Omombeʼuvaʼerã avei mbaʼe diskúrsopa oñemeʼẽta pe semána oúvape ha omokyreʼỹvaʼerã enterovépe opyta hag̃ua Ñemañaha ñehesaʼỹijópe. Natekotevẽi oporandu ojeguerahaukasépa salúdo pe diskursánte kongregasiónpe. Upe rire, heʼivaʼerã pe ermáno Ñemañaha ohesaʼỹijótavape ojupi hag̃ua platafórmape.

Ko ermáno omoakãtava Ñemañaha ñehesaʼỹijo heʼivaʼerã mbaʼe kántikopa ojepurahéita oñepyrũ hag̃ua. Ohesaʼỹijovaʼerã hekopete ha upéi omombeʼu mbaʼe kántikopa ojepurahéita opa hag̃ua pe rreunión. Ha upe rire ikatu ojerure pe diskúrso ojapovaʼekuépe oñemboʼe hag̃ua.

Jajapóramo koʼápe jahechahaguéicha, peteĩchapáta opárupi ñane rreunión.