Rreunión pyahu jarekótava
1, 2. Mbaʼéichapa jajapóta ñane rreunión enero 2009 guive?
1 Ko áño 2008-pe semána 21-27 de abril oñemeʼẽkuri peteĩ marandu iñimportánteva entéro kongregasiónpe ko yvy ape ári. Heʼi kóicha: “Ág̃a 1 de enero 2009 guive ojejapóta oñondivepa Estúdio de Lívro de Kongregasión, Eskuéla Jaiporukuaa hag̃ua la Biblia ha Aty Japredikakuaa hag̃ua. Ndahaʼemoʼãvéima Estúdio de Lívro de Kongregasión, koʼág̃a guive oñehenóita Ñandejára Ñeʼẽ Ñehesaʼỹijo”.
2 Mbaʼéichapa ojejapóta umi rreunión. Koʼã mbohapy rreunión ipukúta una óra 45 minúto, ha upépe oikemavaʼerã puraheikuéra ha ñemboʼe. Ñepyrũrã japurahéi ha ñañemboʼéta (5 min.) ha oñepyrũta Ñandejára Ñeʼẽ Ñehesaʼỹijo (25 min.). Upéi jarekóta ñande Eskuéla Jaiporukuaa hag̃ua la Biblia (30 min.). Kóva opa rire japurahéita (5 min.) ha oñepyrũta ñande Aty Japredikakuaa hag̃ua (35 min.). Ñamohuʼã hag̃ua japurahéi ha ñañemboʼéta (5 min.). Jajeprepara porã hag̃ua, káda més osẽta Ñane Rembiapo Rréino Reheguápe peteĩ prográma koʼã rreunionrã.
3. Mbaʼéichapa ojejapóta Ñandejára Ñeʼẽ Ñehesaʼỹijo?
3 Ñandejára Ñeʼẽ Ñehesaʼỹijo. Ojejapóta Ñemañaha Ñehesaʼỹijo ojejapoháicha. Natekotevẽi pe omoakãva ohechauka jey ojestudiamavaʼekue. Upéicha nombopukumoʼãi oñepyrũ hag̃ua, ha enterove ikatúta okomenta mbykymi ha hesakuaitépe. Pe superintendénte presidénte ojapovaʼerã peteĩ prográma oĩháme umi ansiáno omoakãtava ko rreunión káda semána.
4. Mbaʼéichapa ojejapóta Aty Japredikakuaa hag̃ua?
4 Aty Japredikakuaa hag̃ua. Ojejapovaʼerã jepiveguáicha ha umi marandukuéra oñemeʼẽta 5 minútope. Oñemeʼẽta umi marandu iñimportantevévante ha ojeleéta mbovymi kárta omondóva sukursál. Ndojeʼemoʼãvéima platafórma guive moõpa ojejapóta aty japredika hag̃ua ha mávapa omopotĩta salón, ha ndojeleemoʼãi infórme kuénta rehegua, ha ambue kárta omondóva sukursál. Oñemoĩtante pe tavléro oĩháme marandukuéra ha enterove ohokuaa ohecha upépe. Umi ermáno ojapóva umi párte ojeprepara porã vaʼerã, ojapo ojeʼehaichaite ha ndohasaivaʼerã hiʼóra.
5. Mbaʼéichapa jajapóta ñane rreunión ou jave superintendénte de sirkuíto?
5 Superintendénte de sirkuíto ou vove. Pe semána oĩ aja superintendénte umi rreunión ojejapóta koʼag̃aguáicha. Martes ojejapóta Eskuéla Jaiporukuaa hag̃ua la Biblia ha Aty Japredikakuaa hag̃ua. Upéi japurahéita ha pe superintendénte de sirkuíto omeʼẽta peteĩ diskúrso 30 minúto. Jajapoháicha koʼág̃a peve upe semánape ñañembyaty jeýta ambue pyhare ojejapo hag̃ua Ñandejára Ñeʼẽ Ñehesaʼỹijo. Upéi japurahéita ha ñahendúta diskúrso de servísio omeʼẽtava pe ermáno. Opa hag̃ua japurahéi ha ñañemboʼéta.
6. Mbaʼépa ojapóta pe grúpo omoakãva?
6 Aty japredika hag̃ua. Umi kongregasiónpe ansianokuéra ohechavaʼerã mávapa umi ansiáno omoakãtava káda grúpo. Koʼã ansiáno oñangarekóta umi grúpore osẽ hag̃ua opredika ha avei oñehaʼãta omokyreʼỹ umi ermánope. Ko tembiapo ojapóramo peteĩ siérvo ministeriál, oñehenóita “siérvo de grúpo”.
7. Mbaʼéichapa ñanepytyvõta koʼã rreunión?
7 Mbaʼeichaitépa ñanepytyvõta koʼã rreunión pyahu! Katuete ñanemokyreʼỹ ha ñanembokatupyrýta japredika porãve hag̃ua, oiko hag̃ua ñandehegui mboʼehára vale oipytyvõkuaáva hapichakuérape (Efe. 4:13, 14; 2 Tim. 3:17).
8. Mbaʼépa jajapovaʼerã entéro ñañomokyreʼỹ hag̃ua?
8 Jajeprepara porãramo koʼã rreunionrã jajesareko porãvéta umi mbaʼe ojeʼévare. Enterove ikatúta ñakomenta ñamokyreʼỹ hag̃ua ñane ermanokuérape (Rom. 1:11, 12; Heb. 10:24). Jaipota maymáva ohechakuaa ‘mbaʼéichapa ñañakãrapuʼã’, ha upearã tekotevẽ ‘ñamboʼe hekópe’ Ñandejára Ñeʼẽ (1 Tim. 4:15; 2 Tim. 2:15).
9. Mbaʼépa jajapose, ha mbaʼérepa?
9 Javyʼaite ningo péicha oñembopyahu haguére koʼã rreunión. Jaaprovechase ko mbaʼe omeʼẽva ñandéve ‘tembiguái jeroviaha ha iñarandúva’, ha akóinte ñañemoĩse Jesús poguýpe. Haʼe ningo ñanembosakoʼíma ñambohovái hag̃ua pe ‘jehasa asy guasu’ apetéma oĩva (Mat. 24:21, 45; Heb. 13:20, 21; Rev. 7:14).