Ijátapa ñandéve ñambaʼapove hag̃ua Ñandejárape g̃uarã?
1. Mbaʼépa ikatu jajapove ijáramo ñandéve?
1 Apóstol Páblope ‘ijárõ guare ombaʼapove hag̃ua Ñandejárape g̃uarã’, pyaʼe porã voi oñepyrũ ombaʼapo kyreʼỹ oĩramo jepe oñemoĩva hese (1 Cor. 16:9, BNP). Koʼág̃a 642.000 ermáno rupi ojapo precursorado regular omosarambi hag̃ua oparupiete pe marandu porã.
2. Mbaʼérepa iporã jajepyʼamongeta jepi umi mbaʼe jajapóvare?
2 Opa mbaʼe jahasáva okambiakuaa. Ndaikatúiramo jajapo jajaposéva jahaságui heta mbaʼe, upéva ikatu okambia. Upévare pyʼỹinte jajepyʼamongetavaʼerã umi mbaʼe jajapóvare, ha ani ñahaʼarõ hendapa voi ñandéve opa mbaʼe ñandegustaháicha (Ecl. 11:4). Ndépa peteĩ mitãrusu remohuʼãpotámava nde koléhio? Térãpa peteĩ túva ifamília oho jeýtamava eskuélape? Ndahaʼéipa peteĩ ojehuvilapotámava? Oimérõ upéicha ikatu ija ndéve rejapo hag̃ua precursorado regular. Peteĩ ermána hasy vaʼekue oikóvo ojapo iprekursorádo orekópe 89 áño. Mbaʼérepa ojapo? Un áño rupíma ojapo ndohoveihague doktórpe ha upévare heʼi ikatúne hag̃ua ojapo prekursorádo.
3. Mbaʼépa ojapo ermanokuéra oiko hag̃ua chuguikuéra precursor regular?
3 Peteĩ jave apóstol Pablo ohoséramo jepe umi ermáno Corintoygua rendápe, ndohói omotenondégui pe marandu porã. Koʼág̃a rupi, oĩ ermáno omboykéva heta mbaʼe ojapo hag̃ua iprekursorádo. Oĩ katu ombaʼapóva médio díante ha oñehaʼãmbaite pe oganamívare ohupytypa hemikotevẽ. Koʼág̃a ovyʼaiterei hikuái ojapohaguére iprekursorádo (1 Tim. 6: 6-8). Umi omendáva apytépe oĩ avei ohecháva mbaʼéichapa ikatúta peteĩ suéldorente ohupytypa hemikotevẽ, ikatu hag̃uáicha pe tembireko ojapo iprekursorádo.
4. Mbaʼépa ikatu jajapo ijetuʼútaramo ñandéve jahupyty hag̃ua umi óra ojejeruréva?
4 Ani ñapensa ndaikatumoʼãiha jajapo prekursorádo ijetuʼútagui jahupyty umi óra ojejeruréva. Dos óra rasami jajapórõ káda día ikatúma jahupyty. Hasýramo ñandéve jadesidi hag̃ua jajapótapa precursorado regular, ñepyrũrã ikatúnte jajapo precursorado auxiliar uno térã dos mése, ha ñañehaʼã jahupyty peve setenta óra. Upéicharõ ikatúta javyʼa avei umi prekursorkuéraicha (Sal. 34:8). Ñañemongetavaʼerã umi prekursór ndive; ikatu haʼekuéra ohasamarakaʼe umi mbaʼe jahasavañaína (Pro. 15:22). Jajerure Jehovápe tañanevendesi ñañehaʼãhaguére japredikave (1 Juan 5:14).
5. Mbaʼérepa iporã ñañehaʼã jajapo precursorado regular?
5 Peteĩ mbaʼe iporãva jahupyty. Heta mbaʼe porã ohupyty umi precursor regular. Ovyʼaiterei hikuái ikatúgui oipytyvõve hapichápe (Hech. 20:35). Oiporukuaave avei hikuái Ñandejára Ñeʼẽ (2 Tim. 2:15). Ha ohechakuaave hikuái mbaʼeichaitépa Jehová ovendesi chupekuéra (Hech. 11:21; Fili. 4:11-13). Pe prekursorádo oipytyvõ avei chupekuéra omoheñói hag̃ua hekovépe umi mbaʼe porã, umíva apytépe ogueropuʼaka hag̃ua heta mbaʼe ha oñemoag̃uive Jehováre (Sant. 4:8). Ijánepa ñandéve avei jajapo hag̃ua precursorado regular?