Carta de la Sucursal

Puvlikadorkuéra:

Bolíviape hetaitereive ko áñope ojeho Conmemoraciónpe, 62.902 voi oñeĩkuri. Hetave puvlikadorkuéra osẽ predikasiónpe oipytyvõ rupi chupekuéra umi ermáno hembireko ndive ojapóva precursorado especial temporero. Chupekuéra ningo oñemondókuri mombyry umi lugár oñekotevẽhápe. Kyreʼỹme avei ojetradusihína ñane puvlikasionkuéra quechua ha aymará ñeʼẽme.

Paraguáipe oñembaʼapomahína oñembotuichave hag̃ua Betel. Oĩ 26 Siervos Internacionales de Construcción ha heta voluntário ko tetãmegua kyreʼỹme ombaʼapovahína. Jehová oipotáma guive ojejapopátama 2009 reiképe. Oñembotuichave rupi ko Betel oñembaʼapo ha oñepytyvõ porãvéta ermanokuérape. Ko sukursál oipytyvõhína ojepredika hag̃ua nueve idiómape.

Uruguáype hetaitereive puvlikadór opredikákuri abrílpe, 11. 010 osẽkuri hikuái. Upéva ndojehupytyveivaʼekue 2004 guive. Hetaiterei avei oĩ ojapóva prekursorado auxiliar, mil ári voi oĩ hikuái. Conmemoraciónpe katu 24.032 ojehókuri. Péicha hetaite mbaʼe porã ojehupyty ko áñope, ha katuete hetavéta pe áño oúvape.

Pene ermanokuéra,

Sukursalpegua