¿Okonvenítapa ndéve reguereko peteĩ território personál?
1. ¿Mbaʼérepa iporãta rejeruréramo peteĩ território personál?
1 Oiméramo pene kongregasión iterritório tuicha, nde rejerurekuaa peteĩ território personál nde róga jerére repredika hag̃ua. Lívro Organizados páhina 103-pe ohechauka porã jarekóramo peteĩ território personál jaaprovecha porãvetaha pe tiémpo jaiporúva japredika hag̃ua. Heʼi avei ikatuha ñainvita ótro maranduhárape oho hag̃ua opredika ñanendive.
2. ¿Mbaʼéichapa nepytyvõta repredikave hag̃ua reguerekóramo peteĩ território personál?
2 Nepytyvõta repredikave hag̃ua. Oñemeʼẽramo ndéve peteĩ território namombyrýiva nde travahohágui ikatu resẽ repredika asajekue térã repoi rire. Ha ikatu voi reinvita ótro maranduhárape ombaʼapóvape avei upérupi nemoirũ hag̃ua. Ha oñemeʼẽramo ndéve peteĩ território nde róga jerére, ikatu reaprovecha resẽ hag̃ua nde rogayguándi kaʼarukue. Jaikuaa péicha jave ndojejapoiha pe aty oñesẽ hag̃ua ojepredika, upéicharõ jepe peñemboʼevaʼerã Jehovápe penepytyvõ hag̃ua (Filip. 4:6). Repredikáramo jepe nde território personálpe reñatendevaʼerã ani upépente resẽ, avei repredikavaʼerã umi grúpo ne kongregasionpeguándi. Ha fín de semanakue katu iporãta resẽramo nde grúpope, heta ermáno itiempove rupi opredika hag̃ua upéicha jave.
3. ¿Mbaʼérepa okonveni ñandéve jarekóramo peteĩ território personál?
3 Mbaʼérepa okonveni. Reguerekóramo peteĩ território personál ndofaltamoʼãi ndéve lugár repredika hag̃ua, ha ikatúta reho upépe opyta porãve vove ndéve. Avei ikatúta repredikave natekotevẽmoʼãi rupi reho mombyryeterei. Péicha ndahasymoʼãi rehupyty hag̃ua nde óra oiméramo rejapo prekursorádo auxiliár térã rregulár. Avei repredika meméramo peteĩ lugárpe, umi hénte nerendu porã vaʼekue ndopytamoʼãi mombyry ojuehegui ha ndahasymoʼãi ndéve revisita jey hag̃ua chupekuéra remoñepyrũ hag̃ua estúdio vívliko. Sapyʼánte ikatúta repredikapa dos térã hetave vése pe território oñemeʼẽvaʼekue ndéve rentrega mboyve pe enkargádope, ikatu hag̃uáicha ótro ermáno ojerure upe rire. Oĩ heʼíva opredikávo péicha oikuaa porãveha umi hénte oĩva iterritóriope ha upéicha rupi ohendu porãveha chupe hikuái. Oiméramo nde ha nde rogayguakuéra pejapose hekoitépe pene rembiapo predikasiónpe, ¿penepytyvõnepa perekóramo peteĩ território personál? (2 Tim. 4:5.)