Káda día igustove japredika umi lugár hetahápe hénte

1. ¿Mbaʼépa oñemokyreʼỹ kuri umi kongregasiónpe ojapo hag̃ua?

¹ Ndaʼaréi oñemokyreʼỹ kuri umi kongregasión orekóvape iterritóriope umi lugár ohasaha jepi heta hénte omoĩ hag̃ua mesa térã karríto opredika hag̃ua umichahárupi. Ojepurúramo pe karríto, peteĩ puvlikadór oguapy térã oñemboʼy vaʼerã ijykére. Péro ojepurútaramo mesa, mokõi puvlikadór oñatende vaʼerã hese. Umi oñatendéva pe mesa térã karrítore hory ha ikalida vaʼerã. Peteĩ persóna ohechaukárõ oñeinteresaha umi puvlikasión ohechávare ha oñemboja pe karríto térã mesáre, peteĩva umi puvlikadór ikatu oñemongeta hendive ha heʼi: “¿Ndépa reñeporandúmava mbaʼépa heʼi la Biblia ko témare?”. Upe aja peteĩ térã mokõi puvlikadór ikatu opredika pe karríto térã mesa ypýrupi umi ohasávape.

2. ¿Mbaʼépa ojehupyty ojepredika rupi umi lugár hetahápe hénte? Emombeʼu peteĩ experiénsia.

² Ojepredika rupi umi lugár hetahápe hénte, oñemoñepyrũma hetaiterei estúdio vívliko. Peteĩ mitãkuña ohóva universidápe ojapose kuri peteĩ traváho práktiko oñeʼẽva testígo de Jehováre, péro ndotopái ni peteĩ Salón del Reino. Una semána rire haʼe ohecha peteĩ mesa ojepurúva ojepredika hag̃ua pe universida korapýpe. Oñepyrũ ostudia la Biblia, ha koʼág̃a ojevautisáma ha opredikáma avei umi lugár oñemoĩhápe pe mesa ha karríto.

3. ¿Mbaʼépa heʼi mokõi ermána ko método pyahúre?

³ Peteĩ ermána opartisipáva pe predikasión púvlikape heʼi: “Heta hénte oñemboja ogueraha hag̃ua umi rrevísta ipyahuvéva. Oĩ avei umi ndoikuaaietéva mbaʼeve testígo de Jehovágui. Ahechakuaa ko método rupive ikatuha ojepredika hetave héntepe.” Ótra ermána katu heʼi: “Káda día igustove japredika umi lugár hetahápe hénte; ko método pyahu iporãiterei, umi hénte voi ou nerendápe, okuriosea hag̃ua jepe raʼe.”

4. ¿Mbaʼérepa okonvenive nañakambiái pe óra, pe lugár ni pe día ñamoĩha jepi pe mesa térã karríto?

⁴ Okonvenive nañakambiái pe óra, pe lugár ni pe día ñamoĩha jepi pe mesa térã karríto japredika hag̃ua. Umi hénte oikuaáramo moõpa jajekoloka jepi ha mbaʼe orakuépa, ifasilvéta chupekuéra oñemoag̃ui hag̃ua ñanderehe, tahaʼe oporandu hag̃ua ñandéve álgo térã oraha hag̃ua puvlikasión. ¿Ojapómapa arréglo pene kongregasión ojepredika hag̃ua umi lugár hetahápe hénte? Oiméramo upéicha, revyʼaitereíta repartisipávo ko método ojepurúvape oñemombeʼu hag̃ua opárupi umi notísia porã oñeʼẽva ‘Ñandejára Rréinore’ (Luc. 9:60).