Peteĩ invitasión iporãitereíva
1. ¿Arakaʼe guivépa ñañepyrũta ñaporoinvita asamblearã?
1 Ñainvita jave ñane hénte térã ñane amigokuérape okaru hag̃ua ñanendive, heta jagasta ha ñambaʼapo japrepara hag̃ua umi tembiʼu iporã ha héva, upéicha rupi kyreʼỹme voi ñainvita chupekuéra. Péicha avei, heta oñembaʼapo ojeprepara hag̃ua umi informasión oñepresentátava umi aty guasu tres diaguápe. Ha Jehová omeʼẽ ñandéve pe priviléhio ijojahaʼỹva ñainvita hag̃ua umi héntepe tres semána oiko mboyve pe asambléa. ¿Mbaʼépa ñanepytyvõta kyreʼỹme ñaporoinvita hag̃ua?
2. ¿Mbaʼépa ñanepytyvõta kyreʼỹme ñaporoinvita hag̃ua?
2 Jajepyʼamongetáramo mbaʼeichaitépa ñanepytyvõ jepi umi informasión oñepresentáva asambleahápe, katuete ñanekyreʼỹvéta ñaporoinvita hag̃ua (Is. 65:13, 14). Ñanemanduʼa vaʼerã ojehupytyha heta mbaʼe porã ñaporoinvita rupi (ehecha pe rrekuádro heʼíva “Umi mbaʼe porã ojehupytýva”). Upéicha avei, ko áñope umi persóna ñainvitáva apytépe ikatu hína oĩ ohóva pe aty guasuhápe. Péro ndahetáiramo jepe umi ohóva, ñanemaduʼa vaʼerã jarrepartívo umi invitasión ñamombaʼeguasuha hína Jehovápe ha jahechaukaha haʼe imbaʼeporãha opavavéndi (Sal. 145:3, 7; Apoc. 22:17).
3. ¿Mbaʼéichapa jarrepartíta umi invitasión?
3 Umi ansiáno káda kongregasionpegua odesidíta mbaʼéichapa ojerrepartíta umi invitasión. Por ehémplo, ohecha vaʼerã hikuái ojehejátapa umi óga ndojetopaihápe avavére térã oñemeʼẽtapa avei umi lugár oñemoĩhápe mesa térã karríto. Fin de semanakue katu, otoka porãrõ ikatu jaofrese hendive umi rrevísta. Ñamohuʼã vove ko kampáña, katuete javyʼaitereíta jaikuaágui ñainvita hague hetaiterei persónape oho hag̃ua ohendu umi informasión porãite Jehová opreparáva.