Eipytyvõkena chupekuéra oservi hag̃ua Jehovápe kyreʼỹme

Heta ermáno ohechakuaa peteĩ puvlikadór ikatupyry hag̃ua tekotevẽha oñepytyvõ chupe voimíre opredika meme hag̃ua ha ojapo hag̃ua upéva kyreʼỹme (Pr 22:6; Flp 3:16). Jahechamína mbaʼe mbaʼépa ikatu rejapo reipytyvõ hag̃ua ne estudiántepe ikatu hag̃uáicha ikatupyry predikasiónpe:

• Embokatupyry ne estudiántepe oiko ypy guive chugui puvlikadór (km 8/15 páh. 1). Eipytyvõ chupe ohechakuaa hag̃ua iñimportanteha osẽ opredika káda semána (Flp 1:10). Ani eñeʼẽ vai umi hénte pende territoriopeguáre (Flp 4:8). Emokyreʼỹ chupe opredika hag̃ua pe superintendénte de grúpo ha umi ótro puvlikadór ndive ikatu hag̃uáicha oaprende avei chuguikuéra (Pr 1:5; km 10/12 páh. 6 párr. 3).

  

• Ne estudiánte ojevautisámarõ jepe, esegi vaʼerã emokyreʼỹ ha emboʼe chupe, koʼýte ndostudiapáitirõ pe lívro ‘Jaikókena Ñandejára mborayhúpe’ (km 12/13 páh. 7).

  

• Resẽramo repredika peteĩ puvlikadór pyahúndi, eñehaʼã ejapo peteĩ presentasión isensíllova. Efelisita chupe opredikapa rire, ha emeʼẽ chupe umi suherénsia oipytyvõtava chupe ikatupyryve hag̃ua (km 5/10 páh. 7).