Unas kuánta idéa igustove hag̃ua pe aty predikasionrã

Umi aty ojejapóva jepi predikasión mboyve ha umi rreunión ojojoguaiterei, pórke umíva haʼe Jehová rregálo omeʼẽva ñandéve jajoayhuve ha ñambaʼapo porãve hag̃ua (Heb 10:24, 25). Pe aty ojejapóva predikasión mboyve ipuku vaʼerã 5 térã 7 minútonte, upépe tekotevẽ ojejapopáma umi arréglo, ojehechapáma umi território ha ojejapo pe ñemboʼe. Ha oiméramo ko aty ojejapo opa rire peteĩ rreunión, tekotevẽta mbykyve. Pe omoakãva pe predikasión oprepara vaʼerã umi púnto ideprovéchotava umi ermáno opredikátavape upe díape. Por ehémplo, oĩramo ermáno ikatúva opredika sabadokue añónte, katuete ideprovéchota upe díape oñeanalisáramo mbaʼépa ikatu ojeʼe pe ogajárape. ¿Oĩpa ótra idéa ikatúva ideprovécho igustove hag̃ua pe aty predikasiónrã?

• Ikatu jaipuru pe párte “Ñañemongeta hag̃ua la héntendi” osẽva ñane prográma Mbaʼéichapa Jaiko ha Japredika vaʼerã. Prográma rreuniónpe g̃uarã.

• Ñapensa mbaʼéichapa ikatu jaipuru umi notísia térã umi mbaʼe oikóva ñande jerére ñañepyrũ hag̃ua ñañemongeta.

• Térã mbaʼépa ikatu jaʼe pe ogajára heʼíramo ñandéve peteĩ mbaʼe ñaneñeʼẽjoko hag̃ua.

• Ñapensa mbaʼépa ikatu jaʼe peteĩ persóna ndogueroviáivape Ñandejára oexistiha, oroviávape pe evolusión, oñeʼẽvape ótro idióma térã orekóva peteĩ rrelihión ndahaʼéiva la ikonosídova ñande territóriope.

• Jahecha mbaʼéichapa ikatu jaipuru peteĩ párte oĩva ñande sítio jw.org-pe, pe aplikasión JW Líbrarype^®, térã la Bíbliape.

• Mbaʼéichapa ikatu jaipuru peteĩ informasión oĩva pe Kit de Enseñánzape.

• Mbaʼéichapa ikatu japredika porãve por teléfono ha kárta, térã jajapo porãve umi rrevisíta ha estúdio bíblico.

• Ikatu ñamomanduʼa jey ermanokuérape mbaʼéichapa jajekuida vaʼerã japredika aja, mbaʼérepa iñimportánte ñanembaʼerechakuaa, ñañekomporta porã, ñanderory, ñandepositívo ha umícha.

• Jaipuru peteĩ leksión oĩva pe folléto Jalee ha ñamboʼe porãve hag̃uáme.

• Jaʼekuaa mbaʼéichapa ikatu ñamokyreʼỹ ha ñaipytyvõ ñane irũme predikasiónpe.

• Térã jaipuru peteĩ téxto oñeʼẽva pe predikasiónre térã peteĩ experiénsia oporomokyreʼỹva.