¿Mbaʼépa ikatu nepytyvõ restudia meme hag̃ua?
¿IJETUʼÚPA ndéve restudia hag̃ua la Biblia káda semána? ¿Sapyʼántepa ikaigue ndéve g̃uarã la estúdio? Upéva ningo ojehúnte voi ñandéve. Péro epensamína umi ótra kósa jajapo memévare avei, por ehémplo jajahu. Upearã tekotevẽ ñañemotiémpo ha ñamboyke heta mbaʼe, péro upéi igustoiterei pórke ñanepotĩ asy japytávo. Péicha avei igustoiterei jastudia Ñandejára Ñeʼẽ pórke ñanemopotĩ, ‘ýpe ñañemopotĩrõguáicha’ (Efes. 5:26). Jahechamína unos kuánto konsého ikatúva ideprovécho ñandéve:
Edesidi mbaʼe moméntopepa restudiáta káda semána. Entéro kristiáno ostudia vaʼerã. Upéva oĩ “umi mbaʼe iñimportantevéva” apytépe tekotevẽva ojapo (Filip. 1:10). Ani hag̃ua nderesarái mbaʼe moméntopepa restudiáta, ikatu reskrivi pe día ha óra peteĩ kuatiáre ha emoĩ peteĩ lugár rehechatahápe. Térã ikatu emoĩ rrekordatório nde selulárpe nemanduʼa hag̃ua.
Estudia ou porãveháicha ndéve. ¿Mbaʼéichapa okonvenive ndéve restudia? Por ehémplo, ¿ifásilpa ndéve eñekonsentra hag̃ua restudiáramo una óra? ¿Térã igustove ndéve restudiáramo mbykyve péro pyʼỹive? Nde katu reikuaáta mbaʼépa ou porãvéta ndéve. Sapyʼánte ikatu og̃uahẽma la óra edesidi vaʼekuépe restudiataha péro nanderetiaʼeguasúi, ¿mbaʼére upéicharõ nderestudiái 10 minúto jepe? Haʼetéramo jepe la saʼietereíva upe tiémpo, ikuentave upéva ke la nderestudiái mbaʼevete asy. Ha ikatu hína upéi nekyreʼỹvéma resegi hag̃ua restudia (Filip. 2:13).
Eiporavo de antemáno mbaʼépa restudiáta. Ehaʼarõramo og̃uahẽ raẽ nde óra de estúdio ehecha hag̃ua mbaʼépa restudiáta, provávlemente ‘ndereipuruporãmoʼãi hína ne tiémpo’ (Efes. 5:16). Upévare iporãta erekóramo peteĩ lístape umi téma restudiaséva. Por ehémplo oĩrõ peteĩ mbaʼe nerentendeporãiva, ikatu reskrivíntema upéva nde lístape. Káda ke restudiapa oúrõ ne akãme ótro téma, ikatu remoĩ rehóvo nde lístape.
Ekambiaʼimínte tekotevẽrõ. La iñimportánteva hína restudia káda semána. Upévare tekotevẽramo, ekambiaʼimínte pe día ha óra restudiatahápe, avei mboy tiémpopa ha mbaʼépa restudiáta.
Tuicha ideprovéchota ñandéve jastudia memérõ Ñandejára Ñeʼẽ. Péicha ñañemoag̃uivéta Jehováre, ñanearanduvéta ha ñanekyreʼỹvéta (Jos. 1:8).