Eipuru porã umi taʼanga ha videokuéra

Génesis 15:5

MBAʼÉPA HEʼISE: Eipuru vaʼerã umi taʼanga ha vidéo ikatu hag̃uáicha umi nerendúva ontende ha imanduʼa porãve umi mbaʼe iñimportantevévare.

MBAʼÉICHAPA IKATU REJAPO

• Eipuru umi taʼanga ha vidéo igustove hag̃ua remboʼe lája. Kongregasiónpe ikatu eipuru umi divúho, fóto, mápa ha umícha emyesakã hag̃ua umi mbaʼe iñimportantevéva añoiténte. Predikasiónpe ikatu eipuru umi vidéo. Iporãve umi nerendúva imanduʼa hína umi mbaʼe oaprendévare ha ndahaʼéi umi taʼanga térã videokuérare añónte.

• Ejasegura vaʼerã enterovéva ikatutaha ohecha umi taʼanga reipurútava.