Baabule La Yeti Bem La Zaberɛ La Yeledi’ima N Basɛ Ti Dipɔ’ɔsegɔ Bɔna Se’em La?

Ukraine zaberɛ la, la yeledi’ima kɔ’ɔn basɛ mɛ ti dipɔ’ɔsegɔ bɔna tingɔŋɔ wa zuo. Yele wa ba’ɛ dɛna la daaŋɔ bɔ’ɔra tinse’esi n naseri la, sɛla n sɔi la, la kpe’em bo nɛreba n boi tisi aŋa poan mɛ ti ba nyɛ dia di.

• July 17, 2023 ti António Guterres n de UN secretary-general yeti: “Zaberɛ la yeledi’ima la lɔɣɔrɔ ligeri n zo’ori se’em la, la yɛla ase’a basɛ mɛ ti kaareba ka nyaŋɛ kɔɔra dia zo’e zo’e.”

• July 23, 2023 ti Atalayar.com yeti: “Gɔnmi’ileba yeti Russia tiŋa n yese bamea tinse’esi n naɛ nɔɔrɛ ti ba tara dia yakera bɔ’ɔra tisi ase’a la wan basɛ ti dipɔ’ɔsegɔ bɔna ge ti lɔɣɔrɔ me eŋɛ ligeri tinse’esi n naseri la poan, yele yele wuu North Africa la Middle East.”

Geele bisɛ Baabule la n tɔɣɛ dipɔ’ɔsegɔ la beere sa’am yɛla se’em.

Baabule la yeti dipɔ’ɔsegɔ wan bɔna

• Yezu yuun yeti: ‘Tiŋa wan isige zabɛ la tiŋa ti sɔ’ɔlum kayima me isige zabɛ la sɔ’ɔlum kayima ge ti dipɔ’ɔsegɔ wan bɔna.’​—Matu 24:7.

• Liligere gɔŋɔ la n boi Baabule la poan la tɔɣɛ la yiiri bã’areba banaasi yele. Yiiri bã’areba wa poan ayima ze’ele bo la zaberɛ. Se’em n taɣelɛ eŋa la me ze’ele bo la kom. La wan dɛna la se’em ma’a ti dia wan pɔ’ɛ ge me ba’ɛ eŋɛ ligeri. ‘N bisɛ nyɛ la yeho sabega. Se’em n bã bu la tari la sɛla ti ba makera lɔɣɔrɔ a nu’usi poan. Ti mam wum kunkore n yeti, Mui la laa mi’ĩ n de daanyinɛ yɔɔrɛ. Ge ti ki la laasi sitã mi’ĩ n de daanyinɛ yɔɔrɛ.’​—Liligere 6:5, 6.

Baabule la n tɔɣɛ dipɔ’ɔsegɔ yele se’em la sirum tuni la tuuma ‘ba’asegɔ dabesa’ wa poan. (2 Timoti 3:1) Ho san bɔta ti ho zamesɛ ‘ba’asegɔ dabesa’ wa yɛla, la yiiri bã’areba banaasi yele la ti Liligere gɔŋɔ la tɔɣɛ ba yele la, bisɛ vidiyo wa zuo n de Tiŋgɔŋɔ La Tee Mɛ Kɔ’ɔn Pɔsɛ Yuun 1914 ge kaalɛ zaseŋɔ yele la n de “The Four Horsemen​—Who Are They?” (Bani N De Yibã’areba Banaasi La?)

Baabule la wan ta’an soŋɛ to la wani

• Baabule la tari la ka’aŋɔ n ani soŋa n wan ta’an soŋɛ tɔ ti to ta’an ŋmibe biɣi biɣi saŋa wa poan, maɣesɛ wuu dipɔ’ɔsegɔ, la dia n eŋɛ ligeri la. Kaalɛ nyɛ ka’aŋɔ wa ase’a zaseŋɔ yele la zuo n de “How to Live on Less.” (Hon Wan Ta’an Dita Ligese’a Ti Ho Tara La Maɣesa Se’em)

• Baabule la soŋɛ tɔ ti to tara beere sa’am puti’irɛ ti yɛla wan tee ana soŋa. Baabule la yeti saŋa ye na ti ‘dia wan ta buge tingɔŋɔ wa zuo’ ti nɛra woo dita tiɣera. (Yooma 72:16) Ho san bɔta ti ho zamesɛ beere puti’irɛ wa yele, la hon wan eŋɛ se’em ta’an sakɛ ti la wan tum, kaalɛ zaseŋɔ yele la n de “A Real Hope for a Better Tomorrow.” (Tara Puti’irɛ Ti Beere Sa’am Wan Ta Ana Soŋa)