Nọ Yin Alọgọtọ Dagbe to Yẹwhehodidọ Họndekọn jẹ Họndekọn Tọn Whenu — WESẸDOTẸN INTẸNẸT JI TỌN Watchtower Tọn

Nọ Yin Alọgọtọ Dagbe to Yẹwhehodidọ Họndekọn jẹ Họndekọn Tọn Whenu

1. Ale tẹlẹ wẹ nọ wá sọn azọ́nwiwa hẹ azọ́nwatọgbẹ́ de mẹ to lizọnyizọn lọ mẹ?

¹ Devi 70 wẹ Jesu dohlan to gbèdopo nado yì dọyẹwheho, ṣigba e “do yé hlan awe awe.” (Luku 10:1) Matin ayihaawe, tito ehe hùn dotẹnmẹ dotena devi etọn lẹ nado gọalọ bosọ na tuli ode awetọ dile yé to yẹwhehodọ. Whenue mí to lizọnyizọn lọ mẹ hẹ wẹnlatọ devo, nawẹ mí sọgan nọ gọalọ gbọn?

2. Whenue azọ́nwatọgbẹ́ mítọn to ohó etọn zedonukọnnamẹ, nawẹ mí na dotoai gbọn podọ etẹwutu?

² Gbọn Todidoai Dali: Nọ yí sọwhiwhe do dotoai to whenue azọ́nwatọgbẹ́ towe to ohó etọn zedonukọnnamẹ. (Jak. 1:19) Eyin e to wefọ de hia, nọ hodo e to Biblu towe mẹ. Nọ na ayidonugo mẹhe to hodọ, eyin etlẹ yin azọ́nwatọgbẹ́ towe kavi whétọ lọ. Eyin hiẹ na ayidonugo towe lẹpo hodọdopọ lọ, ehe sọgan whàn whétọ lọ nado wà nudopolọ.

3. Whetẹnu wẹ nuhudo sọgan tin nado gọalọna azọ́nwatọgbẹ́ mítọn?

³ Gbọn Wuntuntun Yíyí Do Yọ́n Whenue Nuhudo Tin Nado Dọho Dali: Whenue azọ́nwatọgbẹ́ mítọn to ohó etọn zedonukọnnamẹ, mí nọ doyẹyigona ẹn gbọn dotẹnmẹ nina ẹn nado dọho etọn dali. (Lom. 12:10) Mí ma dona gbòhódonù na ẹn. Eyin e wọn nude kavi whétọ lọ fọ́n linlẹn agọjẹdonu tọn kavi kanbiọ de dote bọ azọ́nwatọgbẹ́ mítọn biọ alọgọ, mí dona dovivẹnu nado zindonukọn po linlẹn etọn po kakati nado bẹ hosọ devo pete jẹeji. (Howh. 16:23; Yẹwh. 3:1, 7) Eyin mí dọho, hogbe mítọn lẹ dona yidogọna kunnudide lọ.—1 Kọl. 14:8.

4. Etẹwẹ na yidogọna ayajẹ po kọdetọn dagbe mítọn po to lizọnyizọn lọ mẹ?

⁴ Whenuena devi 70 he Jesu dohlan awe awe lọ lẹ dotana yẹwhehodidọ yetọn, yé “lẹkọwa po ayajẹ po.” (Luku 10:17) Mílọsu lẹ na nọ tindo ayajẹ po kọdetọn dagbe po to lizọnyizọn lọ mẹ dile mí nọ dotoai bo nọ yí wuntuntun do yọ́n whenue nuhudo tin nado dọho eyin mí to alọgọna azọ́nwatọgbẹ́ mítọn to yẹwhehodidọ họndekọn jẹ họndekọn tọn whenu.